«Аида» операсын көрді

Мемлекет басшысы Нұрсұлтан Назарбаев «Аида» операсының қойылымына барды, деп хабарлады Президенттің баспасөз қызметі. Джузеппе Вердидің әйгілі операсы Астана күніне орай жаңа пішімде – декорациялар мен шоу элементтерін, сондай-ақ, отшашуды қолдану арқылы ашық кеңістікте қойылды. Спектакльдің қоюшы режис­сері – Ресейдің халық әртісі Ю.Алек­сандров. Қойылымға арналған декорациялар Италия сценографы және режиссері Ф.Дзеффиреллидің эскизі бойынша жасалды. Бұл жоба үшін Болгариядан тенор К.Чанев арнайы шақырылды. Сонымен қатар, қойылымға «Астана Опера» театрының орындаушылары – жетекші солист Ж.Ғабдуллина, Қазақ­станның еңбек сіңірген қай­рат­керлері Д.Хамзина, Т.Мұса­баев, Арменияның халық әртісі Б.Туманян қатысты. Жалпы, спектакльге 300-ге жуық адам атсалысты.