Атырауда белгіленген мерзімдері бұзылған 47 қызмет көрсетілген

АТЫРАУ. 6 наурыз. Атырау облысында былтыр жергілікті атқарушы органдармен 1 млн. 400 мыңнан астам қызмет көрсетілген. Соның ішінде белгіленген мерзімдері бұзылған 47 қызметтің бары анықталды. Бұл туралы egemen.kz тілшісі хабарлады. Мемлекеттік қызмет істері және сыбайлас жемқорлыққа қарсы іс-қимыл агенттігі Атырау облысы бойынша департаменті жанындағы қоғамдық кеңесінің кезекті отырысы өткізілді. Күн тәртібіне сәйкес отырыстың қатысушыларымен жергілікті атқарушы органдарымен көрсетілетін мемлекеттік қызмет сапасына ішкі бақылау жағдайы туралы, әсіресе, олардың мерзімдерінің бұзылу жөніндегі мәселелер қарастырылды. Сонымен қатар, былтыр мемлекеттік әлеуметтік тапсырыс шеңберінде көрсетілген мемлекеттік қызметтер сапасына қоғамдық мониторинг нәтижелері шығарылды. Өткен жылы Атырау облысында жергілікті атқарушы органдармен 1 млн. 400 мыңнан астам қызмет көрсетіліпті. Оның ішінде халыққа қызмет көрсету орталықтары арқылы – 73 422, мемлекеттік органдарымен – 1 334 687 және электронды түрде 3078 қызмет көрсетілген болса, белгіленген мерзімдері бұзылған қызметтің саны 47-ге жеткен. Мәселен, сәулет және қалақұрылыс саласында 43, білім беруде 3, сонымен қатар, жерге қатысты 1 қызметтің мерзімі бұзылғаны анықталып отыр. Жолдасбек Шөпеғұл. Дерек: Мемлекеттік қызмет істері және сыбайлас жемқорлыққа қарсы іс-қимыл агенттігінің Атырау облысы бойынша департаменті. Сурет: pavlodarstat.kz.