Жеті миллиард теңге айыппұл

Батыс Қазақстан облысы аумағында шетелдік КПО б.в. компаниясы біраз жылдан бері көмірсутегі шикізатын өндіруде. Бұл, тұтастай алғанда, ел экономикасына мұнай-газ секторынан түсетін тиімділік пен пайданың үлесін көбейтуге септігін тигізе алады. Алайда, аталған КПО б.в. альянсы өз еркімен ауаны ластайтын заттарды шығаруға жол беріп жатса, мұнда тиім­ділік пен пайданың құны көк тиын болып қалмасына кім кепіл? Өйткені, мұндай жағ­­­дайда жергілікті тұрғындар денсау­лы­ғына оның теріс әсері тиюі әбден мүмкін. Екіншіден, мұның өзі еліміздің эко­ло­г­иялық заңдылықтары мен талаптарына да қайшы келеді. Қарашығанақ кені­ші аумағында газды алау жағу мен техникалық жағдайға байланысты оның бұзылу көріністері орын алды. Оны Батыс Қазақстан облыстық экология департаменті жоспардан тыс тек­серу жүргізген кезде анықтады. Соған сәй­кес аталған департамент сотқа тиісті талап-арыз жолдады. Өз кезегінде Батыс Қазақ­стан облыстық ауданаралық экономи­калық соты КПО б.в. компаниясынан 7 миллиард 286 миллион 716 мың теңге өндіру жөнінде шешім шығарды. Темір ҚҰСАЙЫН, «Егемен Қазақстан». Батыс Қазақстан облысы, Бөрлі ауданы.