Цирк өнерінің халықаралық байқауы

Цирк – сахналық өнердің өте ертеден келе жатқан түрі. Цирк өнері асқан ептілік пен күштілікке негізделген пантомималық ойын-сауықтар мен клоунның күлкілі әзіл-әжуаларынан,  ойын-сауығы алуан түрлі трюктер мен эксцентрикаға негізделген нөмірлерден тұрады. Оған соңғы жылдары Астана қаласында дәстүрлі түрде өткізіліп келе жатқан «Азия жаңғырығы» атты цирк өнерінің халықаралық фестивалі айғақ. Биыл да Қала күнін мерекелеу аясында Астаналық цирк елорда әкімдігінің қолдауымен 1-8 шілде аралығында жыл сайынғы «Азия жаңғырығы» атты цирк өнерінің дәстүрлі VIII фестивалін өткізеді. Бір апта бойы жалғасатын бұл мерекелік шара бағдарламасында Қазақстан, Беларусь, Испания, Куба, Латвия, Ресей, Қытай, Қыр­­ғыз­стан, Өзбекстан және Украина мен еліміздің ең таны­мал цирк жұлдыздары өнер көр­сетпек. Сондай-ақ, атал­мыш бағдарламада цирк өнері­нің барлық жанрлары толық қамтылған. Бұл туралы Астана  циркінің директоры Ерік Жол­жақсынов алыс-жақын шетелдерден келген цирк майталмандарымен болған басқосуда кеңінен тоқталып өтті. Оның айтуынша, бұл жолы көрермендер цирктің ең үздік көріністерін тамашалайтын болады. Олардың арасында: Африка арыстандары, әуе гимнасттарының бас айналдырар қойылымдары мен клоундардың шоулары бар.  Сондай-ақ, фестивальде астана­лықтар мен қала қонақтары үшін тек қана жаңа қойылымдар жұрт­шылық назарына ұсынылмақ. Ең қызығы әрі мерекелік ша­ра­ның ең айтулы оқиғасы – «Ка­валькада» атты үрмелі оркес­трдің сүйемелдеуімен өтетін фестиваль қатысушыларының Астана көшелеріндегі мерекелік шеруі болмақ. Айта кетейік, шеру 3 шілде күні сағат 20:00-де елорда көше­лерімен салтанатты сап құрып өтеді. Раушан ТӘУІРХАНҚЫЗЫ, журналист.