Рухың биік, абат қалам!

Астананың қазіргі күн санап биіктей түскен еңсесінен тәуелсіздігіміздің тегеу­рінін, еліміздің елдік қасиетін, жасам­паздықтың жаңғырығын айқын байқа­ғандайсың. Ерке Есілдің жағасында жаңа­ша сәулеттік нақышпен бой түзеп жатқан әсем қаланың сұлу бейнесі алыс­тан көз тартып, көңіл баурайды. Сондықтан, оның ертеңіне де барлық қазақстандықтар үлкен үмітпен қарап, бүкіл әлем қызыға көз тігуде. Елдің елдігін, мемлекеттің мәртебесін айқындайтын құн­дылықтар мен ұстаным­дар тарих толқынында шыңдалып, уақытқа төтеп беретін дәрежеге жетті. Осы орайда, баға жетпес құндылығымыздың бірі – елі­міздің Астанасы. Астана – халқымыздың аялы алақаны мен ыстық мейірімімен тұрғызылған аяулы қала. Астана – Қазақ­стан халқының орындалған үміті мен арманының көрінісі. Мен де елімнің жүрегі, Елбасының тілегі, туған жердің тірегі болған әсем Астанаға деген сүйіспеншілігімді жүрек­жар­ды сөзбен жеткізгім келеді. Мен Аста­наммен мақтанамын, оған баруға асы­ғамын. Болашақ елімнің жанданып, жаһан­дануына менің де үлесім болса деймін. Ме­реке қарсаңында бар­шаңызды «Астана күні­мен» құт­тықтаймын! Еліміздің аруысың – Астана! Биік, көркем үйлерің бар, жас қала. Халқымыздың бейбітшілік әлемі, Ару қала, арман қала, бас қала! Көркейесің күннен-күнге, Астана! Зәулім үйлер бой көтерген аспанға, Даңқың өсіп, таныла бер әлемге, Рухың биік, абат қалам, Астана! Альмира ОРАЗБАЙ, Шиелі кенті орта мектебінің түлегі. Қызылорда облысы.