Ресейдің экс-депутатына интерпол арқылы іздеу жарияланды

АЛМАТЫ. 2 шілде. Ресей Федерациясы Мемлекеттік Думасының экс-депутаты Валерий Пановқа Интерпол арқылы халықаралық іздеу жарияланды. Бұл туралы Интерфакс хабарлады. Халық қалаулысына қызмет бабын асыра пайдаланған деген айып тағылып отыр. Пановтың түрмедегі бұрынғы полиция қызметкерлерінің агенті болғаны әрі полиция қызметкерлерімен бірге қылмыстық арандату іс-қимылдарына қатысқаны айғақталды. Ресей Федерациясы ішкі істер министрлігінің басқарма бастығы Денис Сугробов қылмысты топ құрып, оның құрамына басқарманың бес офицерін тартқан. Олар қызмет бабын асыра пайдаланып, арандату әрекеттері арқылы зардап шегушілерден жаппай пара алған. Полициядағы ұйымдасқан қылмысты топқа Мемдуманың депутаты Валерий Панов бас-көз болып жүрген екен. Ізін жасырған экс-депутаттың суреттері Интерполдың ресми сайтында жарияланды. Талғат Сүйінбай. Дерек, сурет: Интерфакс.