Қостанайлықтар салқын су үшін 58 миллион теңге қарыз

ҚОСТАНАЙ. 2 шілде. Қостанай қаласының тұрғындары жыл басынан бері салқын су мен канализацияны пайдаланғаны үшін 6 миллион теңге қарыз. Ал жалпы «Қостанайсу» кәсіпорнына өткен жылдардың жинақталған қарызы 58 миллион теңгені құрайды. Бұл туралы egemen.kz тілшісі хабарлады. Коммуналдық қызмет қызметкерлері қарыздан қорықпағандармен күрестің «жаңа» түрін тапты. Олар енді су ақысын төлемегендерге кранды жабады. Мұндай амалды жиырма шақты пәтерге қолданып та үлгерді. «Қостанай су» коммуналдық кәсіпорнының инженері Батырбек Сауытов: «Егер пәтер иесінің    суға қарызы 10 мың теңгеден асып кетсе, біз амалсыздан ең соңғы шараға барып, сумен қамтамасыз етуді доғаруға мәжбүрміз. Қазірге дейін 23 пәтерге салқын судың кранын жаптық», деді.  Коммуналдық кәсіпорын қызметкерлері салқын судан ажыратқан пәтерлердің қарызы 600 мыңнан асып кеткен екен.  Осындай шара қолданғаннан кейін  пәтерлер қарызы  көлемінің екіден үші қысқарыпты.  Бірақ кәсіпорын қызметкерлері мәлімдегендей, мұндай шараға барғанымен  тұрғындардың  суға деген қарызы бәрібір өсіп отыр. Нәзира Жәрімбетова. Дерек, сурет: alau.kz