«Атамекен» кешенінде Қызылорда облысы макеттерінің тұсаукесері өтеді

АСТАНА. 2 шілде. «Атамекен» Қазақстан Картасы» этно-мемориалдық кешенінде Қызылорда облысының әкімі Қырымбек Көшербаевтың қатысуымен жаңадан бой түзеген Қызылорда облысы макеттерінің тұсаукесері өтеді. Шара барысында мерекелік концерт қойылады. Бұл туралы этно-мемориалдық кешеннің баспасөз қызметі хабарлады. Биыл Қызылорда облысы басшылығының қолдауымен «Атамекен» Қазақстан Картасы» этно-мемориалдық кешеніне 14 жаңа макет қойылды. Енді «Байқоңыр» ғарыш айлағын, киелі мешіттер мен мавзолейлерді, сондай-ақ Сыр өңірінде орналасқан өзге де көптеген мәдени мұраларымызды «Атамекен» этно-мемориалдық кешенінен көруге болады. Естеріңізге сала кетейік, кешенде Қазақстан Халқы Ассамблеясының 20 жылдығына орай 20 түрлі халықтың ұлттық үйлері қойылған болатын. Этно-мемориалдық кешенде еліміздің және шетелдің 500-ден астам белгілі мұраларымен танысуға болады. Айдар Өрісбаев. Дерек: «Атамекен» Қазақстан Картасы» этно-мемориалдық кешенінің баспасөз қызметі. Сурет: astana.kz.