Қазақстанның бірқатар елдегі елшілері тағайындалды

АСТАНА. 2 шілде. Мемлекет басшысы Нұрсұлтан Назарбаевтың Жарлықтарымен бірқатар елдегі Қазақстан елшілері тағайындалды. Бұл туралы Ақорданың баспасөз қызметіне сілтеме жасаған «ҚазАқпарат» хабарлады. Мемлекет басшысының Жарлықтарымен: Қазақстан Республикасының Иордан Хашимиттік Корольдігіндегі Төтенше және Өкілетті Елшісі Азамат Рахманқұлұлы Бердібай Қазақстан Республикасының Ирак Республикасындағы, Ливан Республикасындағы, Палестина Мемлекетіндегі Төтенше және Өкілетті Елшісі қызметін қоса атқарушы қызметіне; Қазақстан Республикасының Израиль Мемлекетіндегі Төтенше және Өкілетті Елшісі Дулат Оразбекұлы Қуанышев Қазақстан Республикасының Кипр Республикасындағы Төтенше және Өкілетті Елшісі қызметін қоса атқарушы қызметіне; Қазақстан Республикасының Үндістан Республикасындағы Төтенше және Өкілетті Елшісі Болат Серғазыұлы Сәрсенбаев Қазақстан Республикасының Шри-Ланка Демократиялық Социалистік Республикасындағы Төтенше және Өкілетті Елшісі қызметін қоса атқарушы қызметіне тағайындалды. Еламан Қоңыр. Дерек, сурет: «ҚазАқпарат».