Астанадағы Орталық коммуникациялар қызметінде Қазақстанның Іскер әйелдер қауымдастығының 20 жылдығына орай шығарылып отырған «Жан қанаты» атты кітаптың тұсаукесері болып өтті.
Аталмыш кітапта Қазақстанның Іскер әйелдер қауымдастығының құрылу тарихы мен 20 жылда атқарған қызметтері, олардың қоғамда алатын орнының жоғарылауы және мемлекеттегі гендерлік саясатты жүзеге асыру мәселелері қамтылған. Осы уақытқа дейін қауымдастық әйел және жұмысбастылық, әйел және бизнес, әйел және саясат, гендер және дамыту, денсаулық және отбасылық құндылықтар бағыттары бойынша бірнеше қоғамдық мәнді жобаларды жүзеге асырған. Бұл жобалар 5 мыңға жуық тұрақты мүшесі бар 100 мыңға жуық адам оқытудан өтетін қауымдастықтың 20 аймақтық бөлімшелерінде жүзеге асырылған.
Бірінші бағыт бойынша соңғы 5 жылда 2 мыңдай әйел оқытылып, жұмысқа тұрған. 2014 жылы қауымдастық Денсаулық сақтау және әлеуметтік даму министрлігінің қолдауымен «Әлеуметтік қызмет саласындағы әйелдер арасында ақпараттық-насихаттық жұмыс» жобасын жүзеге асырыпты. Ақпараттық түсіндіру жұмысын жүзеге асыру барысында 1500 адам қамтылып, тұрғындармен атаулы жұмыс жөніндегі семинарда 300-ге жуық адам оқытылыпты. «Жұмыспен қамтудың жол картасы – 2020» бағдарламасы бойынша үш аймақтан ауылдағы 50 әйел өз ісін ашуға өтінім берсе, әлеуметтік сауалнаманың өткізілуіне 15000 сұхбаткер қатысыпты. «Әйел және бизнес» атты екінші бағыт бойынша «Даму» кәсіпкерлікті дамыту қорымен түсіндіру жұмыстары жүргізіліп, ағымдағы жылдың 23 ақпанында Солтүстік Қазақстан облысы іскер әйелдерімен «Нұрлы жол – жаңа мүмкіндіктер» форумы, осы наурыз айының басында «Әйелдердің кәсіпкерлігін дамыту» тақырыбы бойынша дөңгелек үстел өткізіліпті. «Әйел және саясат» бағыты бойынша саясаткер-әйелдер клубы мен елдің барлық аймақтарында әйелдердің жетекшілік мектебі құрылыпты. «Гендер және дамыту» жобасы аясында халықаралық форумдар өткізіліп, Қазақстанның Іскер әйелдер қауымдастығы 2003 жылдан бастап Әйелдердің ғаламдық басқосуының, 2011 жылы Бүкіләлемдік исламдық экономикалық форумының, 2012 жылы Кәсіпкер әйелдердің дүниежүзілік форумы мен басқа да беделді халықаралық ұйымдар тарапынан мойындалып, олардың тұрақты серіктесі болып табылыпты.
Басқосу барысында Қазақстанның Іскер әйелдер қауымдастығының президенті Раушан Сәрсембаева, қауымдастықтың өкілдері Вера Сухорукова, Татьяна Цветкова (Шығыс Қазақстан облысы), Зинатбану Мусина (Батыс Қазақстан облысы), Сәуле Жақаева (Маңғыстау облысы) мен Құралай Бекенова (Оңтүстік Қазақстан облысы) өз ұйымдарының атқарып келген игі істерін атап, әлі де алда қолға алар қомақты іс-шара барысымен таныстырып өтті.
Берік САДЫР,
«Егемен Қазақстан».
Аталмыш кітапта Қазақстанның Іскер әйелдер қауымдастығының құрылу тарихы мен 20 жылда атқарған қызметтері, олардың қоғамда алатын орнының жоғарылауы және мемлекеттегі гендерлік саясатты жүзеге асыру мәселелері қамтылған. Осы уақытқа дейін қауымдастық әйел және жұмысбастылық, әйел және бизнес, әйел және саясат, гендер және дамыту, денсаулық және отбасылық құндылықтар бағыттары бойынша бірнеше қоғамдық мәнді жобаларды жүзеге асырған. Бұл жобалар 5 мыңға жуық тұрақты мүшесі бар 100 мыңға жуық адам оқытудан өтетін қауымдастықтың 20 аймақтық бөлімшелерінде жүзеге асырылған.
Бірінші бағыт бойынша соңғы 5 жылда 2 мыңдай әйел оқытылып, жұмысқа тұрған. 2014 жылы қауымдастық Денсаулық сақтау және әлеуметтік даму министрлігінің қолдауымен «Әлеуметтік қызмет саласындағы әйелдер арасында ақпараттық-насихаттық жұмыс» жобасын жүзеге асырыпты. Ақпараттық түсіндіру жұмысын жүзеге асыру барысында 1500 адам қамтылып, тұрғындармен атаулы жұмыс жөніндегі семинарда 300-ге жуық адам оқытылыпты. «Жұмыспен қамтудың жол картасы – 2020» бағдарламасы бойынша үш аймақтан ауылдағы 50 әйел өз ісін ашуға өтінім берсе, әлеуметтік сауалнаманың өткізілуіне 15000 сұхбаткер қатысыпты. «Әйел және бизнес» атты екінші бағыт бойынша «Даму» кәсіпкерлікті дамыту қорымен түсіндіру жұмыстары жүргізіліп, ағымдағы жылдың 23 ақпанында Солтүстік Қазақстан облысы іскер әйелдерімен «Нұрлы жол – жаңа мүмкіндіктер» форумы, осы наурыз айының басында «Әйелдердің кәсіпкерлігін дамыту» тақырыбы бойынша дөңгелек үстел өткізіліпті. «Әйел және саясат» бағыты бойынша саясаткер-әйелдер клубы мен елдің барлық аймақтарында әйелдердің жетекшілік мектебі құрылыпты. «Гендер және дамыту» жобасы аясында халықаралық форумдар өткізіліп, Қазақстанның Іскер әйелдер қауымдастығы 2003 жылдан бастап Әйелдердің ғаламдық басқосуының, 2011 жылы Бүкіләлемдік исламдық экономикалық форумының, 2012 жылы Кәсіпкер әйелдердің дүниежүзілік форумы мен басқа да беделді халықаралық ұйымдар тарапынан мойындалып, олардың тұрақты серіктесі болып табылыпты.
Басқосу барысында Қазақстанның Іскер әйелдер қауымдастығының президенті Раушан Сәрсембаева, қауымдастықтың өкілдері Вера Сухорукова, Татьяна Цветкова (Шығыс Қазақстан облысы), Зинатбану Мусина (Батыс Қазақстан облысы), Сәуле Жақаева (Маңғыстау облысы) мен Құралай Бекенова (Оңтүстік Қазақстан облысы) өз ұйымдарының атқарып келген игі істерін атап, әлі де алда қолға алар қомақты іс-шара барысымен таныстырып өтті.
Берік САДЫР,
«Егемен Қазақстан».
