Энергетикалық ынтымақтастық екі ел үшін де тиімді

Қазақстан Республикасының Таиланд Корольдігіндегі елшісі Марат Есенбаев Таиланд Энергетика министрі Наронгчай Акрасанимен кездесіп, энергетика және «жасыл» экономика саласындағы қазақ-тай ынтымақтастығының ағымдағы жағдайы мен болашағын талқылады. М.Есенбаев тай энергетика ве­домство­сының басшысын Қа­зақ­станның қазіргі әлеумет­тік-экономикалық дамуы, мұ­най-газ саласындағы, атом және көмір өнеркәсібіндегі жағ­дайы, Қазақстанның «жасыл» эконо­микаға көшу жөніндегі тұжырым­дамасы, ЭКСПО-2017 халықаралық көрмесі туралы хабардар етіп, Елбасының Қазақстан халқына «Нұр­лы Жол – болашаққа бастар жол» Жолдауының негізгі қағи­да­ларымен таныстырды. Н.Акрасани Таиланд үкіметі Қа­зақстанмен екіжақты қарым-қатынасты жоғары бағалайтынын атап өтті. «РТТ» тай энергетика алыбының «Теңіз» кен орнынан мұнай алу тәжірибесі бар. Қазіргі таңда «Қашағанда» 100-ге жуық тайлық дәнекерлеуші және құбыр мен кабель тартатын мамандар жұмыс істейді. Тай министрі, сонымен қатар, серіктестіктің жеке бағыттары бойынша қолдағы мол әлеует, өкінішке қарай, қазір толығымен қолданылмайды деп мойындады. Дегенмен, Таиландтың мұнай іздеу мен шығару жөніндегі «PTT Exploration and Production» компаниясы Қазақстанның мұнай-газ кен орындарын зерттеуге мүдделі. Н.Акрасани Таиландтың ЭКС­ПО-2017 ха­лықаралық көрме­сіне қаты­­суына және елінің баламалы энергия көз­дері саласындағы жетістіктерін көрсе­туге даярлығын атап өтті. Таиландтағы жаңартылған және баламалы энергия көздері жалпы тұтынудың 6%-ын құрайды. ЖЭК дамуының негізгі бағыты – биомасса. Кездесу қорытындысы бойынша тараптар Таиланд пен Қазақстан арасындағы энергетикалық ықпал­дастықты кеңейту туралы уағ­да­лас­тыққа қол жеткізіп, екі ел энер­гетика министрліктері арасын­дағы өзара түсіністік туралы меморандумға қол қою қажет­тігін атап өтті. Сонымен қатар, Н.Акрасани Қазақстанның Энерге­тика министрі В. Школьниктің Таиландқа сапарын ұйымдастыруды және энергетика мен «жасыл» экономика саласындағы екіжақты ынтымақтастықтың тәжірибелік қадамын талқылауды ұсынды. «Егемен-ақпарат».