АЛМАТЫ. 22 мамыр. «Оңтүстік» аймақтық-шекаралық басқармасының «Сортөбе» заставасының жауынгерлері шекарадан заңсыз өтпек болған 7 қытай азаматының жолын кесті. Бұл туралы BNews.kz хабарлады.
Қазақстан Республикасының ұлттық қауіпсіздік комитеті шекара қызметінің «Жасырын-2015» операциясы кезінде бетпе-бет кездескен оқиғаның мәнісі егжей-тегжейлі тексерілуде. Бүгінге мәлім болғаны, «Үрімші –Бішкек» бағытымен ұшып келген 46 адамның барлығы да қытайлық еңбек мигранттары болып шықты. Бұған дейін қырғыздардың жолбастауымен шекарадан өтіп кеткен 39 қытай азаматының Оңтүстік Қазақстан аумағында жұмыс істеп жатқаны да анықталды.
Ұсталғандардың үстінен қылмыстық іс қозғалды және 39 қытай азаматы іздестірілуде.
Талғат Сүйінбай.
Дерек, сурет: BNews.kz.
