Күн тәртібі нақтыланды

Парламент Мәжі­лісі­нің Төрағасы Қаби­бо­л­ла Жақы­повтың төраға­лы­ғымен Мәжіліс бюросы өтіп, алда болатын жалпы оты­рыстың күн тәртібі нақты­ланды, деп хабарлады осы палатаның баспасөз қызметі. Халық қалаулылары назарына мүгедектердің құқықтарын қорғау мәселелері бойынша түзетулер бірінші оқылымда ұсынылады. Сондай-ақ, палата бірқатар ратификациялық заң жобаларын қарайды. Олар: ЕАЭО туралы шартқа Қырғыз Республикасының қосылуы ту­ралы шартқа Армения Рес­публикасының қосылуы туралы хаттаманы және Қылмыстық істер бойынша өзара көмек туралы америкааралық конвенцияны ратификациялау. Осы күні мәжілісмендер экологиялық мәселелер бойынша түзетулерге қатысты және Қылмыстық жазаны шетелде өтеу туралы  америкааралық конвенцияны ратификациялауға байланысты жаңа заң жобалары бойынша бейінді комитеттерге қорытынды әзірлеу мерзімін тағайындамақ.