Жарыстар күнделігі

Бокс. Таяуда Атырауда Қазақстан бокс федерациясы кубогы үшін жарыстың “Батыс” дивизионын­дағы Атырау-Орал командалары арасында матч­тық жекпе-жек өтіп, ол 15:15 есе­бі­мен тең аяқталды. Бі­рақ аса ауыр сал­­мақта атыраулық­тар жеңіске жет­­кен­діктен келесі ке­зеңге солар жол­­дама алды. Ал ку­бок жолындағы алғашқы кездесу 17 шілдеде Ақтау қаласында осы дивизиондағы Ақтау-Ақтөбе ко­ман­­далары арасында өтіп, алдың­ғылары 7:3 есебімен басым түскен еді. Енді 18 қыркүйекте Ақтау және Атырау құрамалары өзара 14 финалдық ойын өткізеді. Кездесу­дің қай қалада өтетінін 6 тамыз күні болатын жеребе анықтайды. Соған дейін “Шығыс” дивизио­нын­дағы Астана-Павлодар (31 шіл­де) және Өскемен-Талды­қор­ған (7 тамыз) командалары кездеседі. Күрес. Венгрияның астанасы Будапешт қаласында өткен грек-рим күресінен жастар арасындағы әлем біріншілігінде 50 килоға дей­інгі сал­мақта күрескен қазақ­стан­дық Ай­сұл­тан Байзақов күміс ме­дальдің иегері атанды. Ол шешуші белдесуде әзір­бай­жандық құрдасы Ел­даниз Әзиз­ли­ге 0:3, 0:1 есебімен есе жіберіп алды. Әзірбайжан астанасы Баку қа­ласында күрестің үш түрі бойын­ша халықаралық Күрес федера­циясы қамқорлығындағы жарыс өтті. Ресми түрде “Golden Grand Prіx FІLA” деп аталатын бұл бе­делді турнирде грек-рим күресінің шеберлері аренаға ең соңынан шық­ты. Осы текетіресте қазақ­стан­дықтар сапынан Асхат Құ­дай­­бер­генов (55 кг, Ақтөбе облысы) пен Дархан Баяхметов (66 кг, Алматы облысы) қола медальдың иегерлері атанды. Бұл көрсеткіш қазақстан­дықтар арасында бұған дейін күресіп, бірде-бір марапат ала ал­ма­ған еркін күрес шеберлері дең­гейі­нен жоғары болғанымен, сол күні қоржындарына екі ал­тын, екі күміс медаль салған әйелдер күресі өкілдерінен әлде­қай­да төмен. Футбол. Өткен сенбі-жексенбі күндері еліміз Премьер-лигасы 20 турының ойындары ойналды. Олар мынадай нәтижелер әкелді: 24 шілде. “Ертіс” (Павлодар) – “Ақ­төбе” 2:1. 25 шілде. “Тараз” – “Шах­тер” (Қа­­­рағанды) 1:1, “Оқ­жет­пес” (Көкшетау) – “Тобыл” (Қостанай) 1:3, “Қайрат” (Алматы) – “Ақжайық” (Орал) 0:0, “Жетісу” (Талдықорған) – “Атырау” 1:2. Бүгін “Локомотив” (Астана) – “Ор­дабасы” (Шымкент) команда­ла­ры арасындағы кездесумен тур ойындары аяқталады. Турнир кес­тесінде әзірге 20 ойыннан 40 ұпайы бар “Ертіс” бірінші тұр. Екінші ор­ында – 19 ойыннан 38 ұпай жи­наған “Тобыл” командасы. Ал мер­гендер көшін 10 доп соққан то­был­дық Нұрбол Жұмасқалиев бастап келеді. “Егемен-ақпарат”.