Күрес. «Қазақстан барысы-2015» турнирі басталды

АСТАНА. 4 шілде. Астанадағы «Сарыарқа» велотрегінде Қазақстан Президентінің жүлдесі үшін қазақ күресінен «Қазақстан барысы-2015» республикалық турнирі басталды. Додада еліміздің 14 облысы мен Астана және Алматы қалаларынан 32 палуан бақ сынайды. Бұл туралы egemen.kz хабарлады. Жарыс биыл бесінші рет ұйымдастырылып отыр. Палуандардың 13-і додада алғаш рет қатысуда. Жарыстың онлайн нұсқасын мына жерден оқи аласыздар. Алғаш рет 2011 жылы ұйымдастырылған турнирде қызылордалық палуан Ұлан Рысқұл жеңімпаз атанды. Одан бөлек, Бейбіт Ыстыбаев (2012 ж.), Айбек Нұғымаров (2013 ж.) және Мұхит Тұрсыновтың (2014 ж.) «Қазақстан барысы» атанғанын білеміз. «Қазақстан Барысы 2015» турнирінің шешуші бәсекесіне қатысатын палуандар: Ақмола облысы: Нұрлан Жамалов, Әсет Жүнісов; Ақтөбе облысы: Бақтыбай Қисықов, Шыңғыс Шоқпұтов; Алматы облысы: Александр Касачев, Қазыбек Рамазанов; Атырау облысы: Табиғат Мағауияұлы, Наурызбек Өтеуов; Батыс Қазақстан облысы: Ерлан Мұсағалиев, Олжас Сүлейменов; Жамбыл облысы: Айбол Айтбек, Бейбіт Ыстыбаев; Қарағанды облысы: Ержан Шынкеев, Асыл Барменов; Қызылорда облысы: Нұрым Сәлімгереев, Руслан Әбдіразақов; Қостанай облысы: Ерлан Омаров, Максим Гербер; Маңғыстау облысы: Нұрдәулет Жарылғапов, Мейрамбек Жаңабай; Оңтүстік Қазақстан облысы: Жұманазар Ерсұлтанов, Нұрсұлтан Мыңғышов; Павлодар облысы: Арман Махамбетов, Алан Тұрысов; Солтүстік Қазақстан облысы: Рүстем Жұмаев, Төлеген Жетпісбаев; Шығыс Қазақстан облысы: Айбек Нұғымаров, Талғат Әміренов; Алматы қаласы: Мақсат Қиқымов, Бақыт Смағұлов; Астана қаласы: Ғани Сейділдаев, Айбат Сейтен. 2014 жылғы «Қазақстан барысы» – Мұхит Тұрсынов. Еламан Қоңыр. Дерек, сурет: egemen.kz.