АСТАНА. 22 мамыр. Қазақ күресінен «Қазақстан барысы-2015» турнирінің финалдық кезеңіне қатысатын 32 палуанның есімі белгілі болды. Олардың ішіндегі 13 палуан аталған додада алғаш рет бақ сынамақ. Бұл туралы «Қазақстан барысы» қазақ күресін дамыту қорының баспасөз қызметі хабарлады.
Осыған орай бүгін Алматы қаласында баспасөз мәслихаты өтті. Оған «Нұр Отан» партиясы төрағасы бірінші орынбасарының кеңесшісі Арман Қырықпаев, «Астана-ЭКСПО-2017» ұлттық компаниясы» акционерлік қоғамы басқарма төрағасының кеңесшісі Тастанбек Есентаев, Қазақ күресі федерациясының президенті, «Қазақстан барысы» қазақ күресін дамыту қоры қамқорлық кеңесінің төрағасы Арман Шораев қатысты.
Жиын барысында биыл 5-ші рет өтетін турнирдің жүлде қоры 225 000 АҚШ долларын құрайтыны белгілі болды. Оның ішінде 35 мың доллар жаттықтырушыларға тағайындалған.
1-орын – 150 мың АҚШ доллары;
2-орын – 30 мың АҚШ доллары;
3-орын – 10 мың АҚШ доллары.
32 палуаннан бөлек, 2014 жылғы «Қазақстан барысы» турнирінің жеңімпазы Мұхит Тұрсынов биылғы сайысқа іріктеусіз қатысатыны белгілі. Доданың финалдық кезеңі 5 шілдеде Астанадағы «Сарыарқа» республикалық велотрегінде өтеді.
«Қазақстан Барысы 2015» турнирінің шешуші бәсекесіне қатысатын палуандар:
Ақмола облысы: Нұрлан Жамалов, Әсет Жүнісов;
Ақтөбе облысы: Бақтыбай Қисықов, Шыңғыс Шоқпұтов;
Алматы облысы: Александр Касачев, Қазыбек Рамазанов;
Атырау облысы: Табиғат Мағауияұлы, Наурызбек Өтеуов;
Батыс Қазақстан облысы: Ерлан Мұсағалиев, Олжас Сүлейменов;
Жамбыл облысы: Айбол Айтбек, Бейбіт Ыстыбаев;
Қарағанды облысы: Ержан Шынкеев, Асыл Барменов;
Қызылорда облысы: Нұрым Сәлімгереев, Руслан Әбдіразақов;
Қостанай облысы: Ерлан Омаров, Максим Гербер;
Маңғыстау облысы: Нұрдәулет Жарылғапов, Мейрамбек Жаңабай;
Оңтүстік Қазақстан облысы: Жұманазар Ерсұлтанов, Нұрсұлтан Мыңғышов;
Павлодар облысы: Арман Махамбетов, Алан Тұрысов;
Солтүстік Қазақстан облысы: Рүстем Жұмаев, Төлеген Жетпісбаев;
Шығыс Қазақстан облысы: Айбек Нұғымаров, Талғат Әміренов;
Алматы қаласы: Мақсат Қиқымов, Бақыт Смағұлов;
Астана қаласы: Ғани Сейділдаев, Айбат Сейтен.
2014 жылғы «Қазақстан барысы» – Мұхит Тұрсынов.
Еламан Қоңыр.
Дерек: «Қазақстан барысы» қазақ күресін дамыту қорының баспасөз қызметі.
Сурет: sports.kz.
