Вашингтонда Астана күні атап өтілді

Жақында Қазақстанның Вашингтондағы елшілігінде Астана күні құрметіне қабылдау өтіп, оған еліміздің 100-ден астам достары – Американың қоғамдық, іскер, сараптама топтарының және жергілікті БАҚ өкілдері қатысты. Іс-шара барысында «Amazon.com» онлайн дүкендер желісінде бестселлер атанып, биыл «Moritz Thomsen Peace Corps Experience» жүлдесіне ие болған «Қазақ даласының үйлері: Әлем корпусы қызметкерінің естеліктері» (At Home on the Kazakh Steppe: A Peace Corps Memoir) кітабының тұсаукесері өтті. Вермонт штатының тұрғыны кітап авторы Джанет Гивенс 2000-жылдардың басында Қазақ­станға ағылшын тілінің оқы­тушы маманы ретінде келген кез­дері жайлы жылы лебіз­ді естеліктерімен бөлісу үшін АҚШ астанасына арнайы кел­ді. Ол Қазақстан халқының бауырмалдық, қонақжайлылық қасиеттерін атап өтіп, өз шығар­масынан «дархан көңілді қазақ халқының қонақжайлылығы мен жылы құшағын сезіну үшін» оқырмандарын Қазақстанды барып көруге шақыратын үзінділерін оқыды. Келген қонақтар Қазақ елінің болмысын ғана емес, сондай-ақ, оның қарқынды дамуы мен жас Астананың өсіп-өркендеуі туралы мол мағлұматтар алды. Олар еліміздің мақсатқа жету жолын­дағы табандылығын, ақыл-ой көре­гендігін, болашаққа деген нық сені­мін, саяси тұрақтылық және же­дел экономикалық өсімін Мем­лекет басшысының данагөй, көре­ген саясатымен байланысты­рып, жоғары бағалады. Елдің «100 нақ­ты қадам», «Нұрлы Жол», «ЭКСПО-2017», «Қазақстан-2050» секіл­ді бастамалары оның «визитті кар­точ­ка­сына» айналды. Ас­тана туралы деректі фильм жинал­ғандардың Қазақстанның жарқын болашағына сенімін растады. Америкалық қонақтар бүкіл қазақстандықтарды және Елбасын тәуелсіз Қазақстанның бейнесіне айналған Астананың таңғаларлық табыстарымен құттықтап, өсіп-өркендеуіне тілектерін білдірді. «Егемен-ақпарат».