АЛМАТЫ. 5 шілде. Әлемдегі аса ірі британиялық медиа-мекеме – Би-Би-Си 1000 қызметкерін штаттан қысқартатын болды. Бұл туралы ВВС хабарлады.
Корпорация – телевизиялық қорға түсетін сомадан 150 миллион фунт қаражат жоғалтуына байланысты осындай әрекетке барған. Корпорацияның директоры Тони Холл шығын себебін былай түсіндірді: «Британиядағы отбасылары теледидар қарамайтын болып барады. Сол себепті олар телевизияға тиісті салық мөлшерін төлемейді».
Өз кезегінде ВВС тілшісі Дэвид Силлито 1000 қызметкерді қызметтен босату корпорацияға бар болғаны 50-ақ миллион фунт табыс әкелетінін айтты. Телевизия мен салық төлеушілерден түсетін қаражаттың жоспардағыдай мол болмау оқиғасы 2011 жылдан бастау алды. Корпорацияның сол кездегі директоры Марк Томпсон сонда «2017 жылға дейін Би-Би-Си-ден 2000 адам қысқарады» деп мәлімдеген.
Талғат Сүйінбай.
Дерек, сурет: ВВС.
