Күн тәртібі нақтыланды

Мәжіліс Төрағасы Қабиболла Жақыпов­тың төрағалығымен Мәжіліс бюросы өтіп, онда алдағы жалпы отырыстың күн тәртібі нақтыланды, деп хабарлады осы палатаның баспасөз қызметі. Депутаттар назарына «Төрелік туралы» заң жобасы ілеспе құжатпен бірінші оқылымда ұсы­нылады. Сонымен қатар, депутаттар мүгедектердің құқықтарын қорғау мәселелері бойынша түзетулерге қатысты заң жобасын екінші оқылымда қарайды. Мәжіліс депутаттары Қазақстан мен Халық­аралық қайта құру және даму банкі арасындағы Қарыз туралы келісімді (Шағын және орта кәсіпорындардың бәсекеге қабілеттілігін арттыру жобасы) ратификациялайды деп межеленуде. Бұл ретте, бірқатар ратификациялық құжаттар жұмысқа қабылданбақ. Олар: Азия инфрақұрылымдық инвестициялар банкі келісімінің баптарын, сонымен бірге, көлік құралы паспортының (көлік құралының шассиі паспортының) және өзі жүретін машина мен техниканың басқа да түрлері паспортының бірыңғай нысандарын енгізу және электрондық пас­порттар жүйелерін ұйымдастыру туралы келісімді ратификациялауға қатысты болмақ. Жалпы отырыстың күн тәртібіне экология бо­й­ын­ша түзетулерге байланысты жұмысты жал­ғас­тыру мәселесі де енгізілді.