Мерекелік концертті тамашалады

Тәуелсіздік сарайында өткен Қазақстан Конститу­циясының 20 жылдығына арналған «Конституция: бірлік, тұрақтылық, өркендеу» тақырыбындағы халықаралық ғылыми-тәжірибелік конференция қорытындыланған соң, оған қатысушы мемлекет, қоғам қайраткерлері мен ғалымдар, шетелдік қонақтар Бейбітшілік және келісім сарайына бет алды.   Мұнда Мәдениет және спорт министрлігі ұйымдастырған кон­церт өз тыңдаушылары мен көрер­мендерін күтіп тұрған еді. Оны Елбасы Нұрсұл­тан Назарбаев Сербия Республи­ка­сының Президенті Томислав Николичпен бірге  тамашалады. Кеш Конституцияға арналған арнайы бейнероликпен ашылды.  Одан әрі «Мәңгілік Ел» деп аталатын поэтикалық композиция орындалып, мәдени шара жалғасы «Славянский базар-2015» XXIV халықаралық эстрада әндерін орындаушылар конкурсының Гран-при иегері Димаш Құдайбергеновтің «Дайдидау» әнімен толықты. Сондай-ақ, концертте «Аста­на балет» Мемлекеттік би теат­ры­ның бишілері мен әншілер Медет Чотабаев, Ардақ Бала­жанова, Евгений Чайников жақсы өнер көрсетті. Эльмира МӘТІБАЕВА, «Егемен Қазақстан».