Мемлекет басшысы Нұрсұлтан Назарбаев көпфункциялы «Талан Тауэр» және «Әбу-Даби Плаза» кешендерінің құрылыс алаңдарында, сондай-ақ, «Жасыл орам» тұрғын үй кешенінің таныстыру бөлмесінде (шоу-рум) болды, деп хабарлады Президенттің баспасөз қызметі.
Елбасы жүргізіліп жатқан жұмыстардың барысымен танысып, нысан құрылысшыларымен әңгімелесті.
«Талан Тауэр» көпфункциялы кешені жобасына 157 орындық қонақүй, ауданы 8300 шаршы метр сауда галереясы, А сыныпты бизнес-орталық және тұрғын жайлар кіреді. Нысан құрылысына 40-тан аса мердігерлік ұйым тартылған. Мұнда Қазақстанда бірінші рет «жасыл» технологиялар – «жасыл» шатыр, энергия тұрғысынан тиімді лифтілер, энергия сақтаушы әйнектер, жаңбыр суын қайта пайдалану қондырғысы қолданылады, паркинг және электромобильдерге арналған зарядтаушы стансалар, арнаулы орындар, велосипедшілерге арналған киім шешетін және жуынатын орындар болады.
«Әбу-Даби Плаза» кешені – түрлі мақсаттағы блоктардан құралған көпфункциялы зәулім ғимарат. Атап айтқанда, оған кеңселер, қонақүй және тұрғын үй кешені кіреді. Құрылыстың жалпы ауданы – 500 мың шаршы метр.
«Жасыл орам» кешені жобасы энергия сақтаудың жаңа технологияларына негізделген. 20 гектардан астам аумақта көпқабатты үйлер, кеңсе ғимараттары, паркинг, сондай-ақ, субтропикалық микроклиматы, экзотикалық дендросаябағы бар шағын көл, биокүмбезді мәдени және әлеуметтік инфрақұрылым нысандарын салу жоспарланған.
Мұнда суарылмайтын ландшафт жүйесі, «қалдық суды» коммерциялық ғимараттарда қайта пайдалану, қоқысты орталықтандырылған жинау жүйесі, «ақылды» автотұрақ жүйесі, велокөліктерді қоюға арналған орындар, елдегі электрмен зарядтайтын алғашқы толыққанды станса қарастырылған.
Елбасы жүргізіліп жатқан жұмыстардың барысымен танысып, нысан құрылысшыларымен әңгімелесті.
«Талан Тауэр» көпфункциялы кешені жобасына 157 орындық қонақүй, ауданы 8300 шаршы метр сауда галереясы, А сыныпты бизнес-орталық және тұрғын жайлар кіреді. Нысан құрылысына 40-тан аса мердігерлік ұйым тартылған. Мұнда Қазақстанда бірінші рет «жасыл» технологиялар – «жасыл» шатыр, энергия тұрғысынан тиімді лифтілер, энергия сақтаушы әйнектер, жаңбыр суын қайта пайдалану қондырғысы қолданылады, паркинг және электромобильдерге арналған зарядтаушы стансалар, арнаулы орындар, велосипедшілерге арналған киім шешетін және жуынатын орындар болады.
«Әбу-Даби Плаза» кешені – түрлі мақсаттағы блоктардан құралған көпфункциялы зәулім ғимарат. Атап айтқанда, оған кеңселер, қонақүй және тұрғын үй кешені кіреді. Құрылыстың жалпы ауданы – 500 мың шаршы метр.
«Жасыл орам» кешені жобасы энергия сақтаудың жаңа технологияларына негізделген. 20 гектардан астам аумақта көпқабатты үйлер, кеңсе ғимараттары, паркинг, сондай-ақ, субтропикалық микроклиматы, экзотикалық дендросаябағы бар шағын көл, биокүмбезді мәдени және әлеуметтік инфрақұрылым нысандарын салу жоспарланған.
Мұнда суарылмайтын ландшафт жүйесі, «қалдық суды» коммерциялық ғимараттарда қайта пайдалану, қоқысты орталықтандырылған жинау жүйесі, «ақылды» автотұрақ жүйесі, велокөліктерді қоюға арналған орындар, елдегі электрмен зарядтайтын алғашқы толыққанды станса қарастырылған.
