«Astana Art Fest»

Oның идеясы – от, су, ауа Астана күнін мерекелеу шеңберінде Сулы-жасыл желекте қазіргі заманғы өнер мен технологияның І «Astana Art Fest» фестивалі өтуде. Фестиваль «Astana Expo-2017» көрмесінің идеясын бей­нелейтін мынандай үш тақы­рып­тан тұрады: «От энергиясы», «Су энергиясы» және «Ауа энергиясы». Бұл балалардың шығармашылық шеберлік сыныптары, театрлық қойылымдар және оқыту семинарлары өтетін алаң болып есептеледі. Үш күн ішінде шара қонақтары инно­вациялық инсталляциялар мен Франция, Германия, Ни­дерланд, Италия, Испания, АҚШ, Ресей және Қазақстан суретшілерінің жұмыстарымен танысып, тама­ша­лай алады. Аталмыш фестиваль аясында энергетика мен ІТ-тех­нологиялар саласын­да­ғы инно­вациялық жобалар ұсынылды. – Жоба 2014 жылы әзірленген болатын, біз 3D технологиялар­мен айналысатын компания ретінде құрылдық. Алдағы уақыт­та 3D принтерлердің се­рия­лық шы­ғарылуын қолға алмақ­пыз. Сондай-ақ, жақында өзіміз жасаған принтерлерді шыға­ра­мыз, модель F-27 деп аталатын болады, – деді «3D Lab» ком­па­ниясының директоры Рүстем Сүндетов. Фестиваль архитектура, өнер, дизайн және ең соңғы үлгідегі технологияларды біріктірді. Арт-фестиваль сәнді WI-FI ағаш­­­­­тармен, Қазақстанда тұратын этностардың ою-өрнектерімен боялған аттармен безендірілді. Көңілді концерттік бағдарлама, әртістердің ерекше өнерлері 4-6 шілде аралығында сағат 11:00-ден 23:00-ге дейін көрермен назарына ұсынылып жатыр. «Егемен-ақпарат». Суреттерді түсіргендер Ерлан ОМАРОВ, Орынбай БАЛМҰРАТ.