Елорда: саябақтар фестивалі

Көше фестивальдары отбасылық демалыстың заманауи қолжетімді пішіміне айналды. Қала күні мерекесі аясында бастау алған осындай игілікті шараның бірі – «Астана-Park Land» қалалық саябақтар фестивалі болды. Елордадағы «Студенттік», «Арай», «Астаналық» және «Ғашықтар» саябақтарының әрқайсысының өз тақырыбы бар. Мереке күндері олар этносаябақ, тарихи саябақ, диско саябақ және арт-саябаққа айналды. Мереке күндері астаналықтар мен қала қонақтары үшін уа­қыт­ты қызықты да мазмұнды өткізу­дің барлық мүмкіндіктері қа­рас­тырылған. Әсем безендірілген кө­шелер мен алаңдар нағыз ­театр ­сахналарына, концерттік орта­лық­­тарға айналған. Шаттық құ­шағында­ғы елорданың қай ауда­ны­на барса­ңыз да мерекелік шат­тыққа бөлене­сіз. Бұл үрдіс қала­лық­ саябақтарда да кең көрініс табуда. Фестиваль шеңберінде этно­­паркте Ұлы Жібек жолы жәр­мең­кесі дәстүрлері сақталып, шығыс база­рының үлгісі қойыл­ған. Тарихи саябақтың интерак­тивті экспозициясында реконс­трукциялық алаңдар ұсынылған. Диско саябақта осы заманның атмосферасы сақталған. Арт-саябақ аумағы интерактивті Арбатқа ұқсас. 2015 жылдың атаулы оқи­ға­лары – Қазақ хандығының 550 жыл­дығы, Жеңістің 70 жылдығы, Қа­зақстан халқы Ассамблеясының 20 жылдығы да фестивальдің безен­дірілуі мен тақырыптық бағдар­ла­масында көрініс тапқан. Сая­бақ­тарда өтетін отбасына арнал­ған көптеген шеберлік сағат­тары мен интерактивті ойын-сауық­тар мерекені жарқын әрі ұмы­тыл­мастай ете түседі. Жарас СӘДУАҚАСОВ.