Әкімнің қолдауымен жарық көрді

Талдықорғанда Елбасының «Ақыл-парасат» кітабының тұсаукесер рәсімі болып өтті. Әуелгі кезекте, «Әлем таныған егемен елдің Елбасы» атты слайд-шоу мен Мемлекет басшысы туралы кинофильм көрсетілді. Жазушы Роллан Сейсенбаев­тың жетекшілігімен құрасты­рыл­ған бұл кітапқа Қазақстан Рес­пуб­ликасының Президенті ­Нұр­сұлтан Назарбаевтың осыған дейін мерзімдік басылымдарда жарияланған ой-толғаулары, мақалалары енгізілген. Жетісудың кіндік қаласы – Талдықорғанда зиялы қауым өкіл­дерінің басын қосқан игі шарада кітап жан-жақты сарап­талып, оң пікірлер айтылды. Негізі, бұл туындыны жарық­қа шығарған AMANAT» кітапха­на­сының ре­дакциялық кеңесіне тек қазақ­стандық қана емес, Жапония, Англия, Украина, Татар­стан, Фран­ция, Финляндия елдері­нің қалам ұстаған азаматтары енгізілген. «Астана күні мерекесінің қарсаңында Елбасының «Ақыл-парасат» атты кітабы Алматы об­лысының әкімі Амандық Бата­ловтың қолдауымен «Жетісу кі­тапханасы» айдары аясында жарыққа шығып, оқырмандарына ұсынылды. Мемлекетіміз тәуел­сіздігін алған күннен бастап, Елбасының Қазақстан Респуб­ликасы аумағында ғана емес, халықаралық мінбелерде айтқан келелі пікірлері мен тұщымды ойлары осы кітапта жарияланды. Кітаптағы тіл, дін, мәдениет, ұлтаралық татулық және күнделікті өмірде туындайтын мәселелер өскелең ұрпақ қажеттілігін өтейді деп сенім артамын», – деді Алматы облысы әкімінің орынбасары Бақтияр Өнербаев. Нұрбол ӘЛДІБАЕВ, «Егемен Қазақстан». Алматы облысы.