АСТАНА. 6 шілде. Кеше футболдан Қазақстан премьер-лигасының 19-туры аяқталды. Тур аясында көш басындағы командалардың барлығы жеңіске жетті. Сырт алаңда «Шахтермен» кездескен «Қайрат» қарсыластарының қақпасына жауапсыз 5 гол соғып, тарихындағы кезекті ірі есепті тіркеді. Бұл туралы egemen.kz хабарлады.
Жалпы, бұл турда аса тартысты өткен ойын ретінде «Ақтөбе» мен «Оқжетпес» арасындағы матчты айтуға болады. Ақтөбеліктер өз алаңында ойнағанына қарамастан, кей сәттерде осалдық танытып жатты. Нәтижесінде қонақтар 20-минутта гол соғып, есеп ашты. Голдың авторы – Руслан Сахалбаев. Алаң иелері таразы басын теңестіру мүмкіндігін тек екінші таймда ғана тапты. Осы ретте «Ақтөбенің» екінші таймда ғана өз ойын өрнегін тапқанын айта кетейік. Жүйелі шабуылдар мен мығым қорғаныс команданың соңғы минутқа дейін 4 доп соғуына мүмкіндік берді. Ал қарсыластар тағы бір мәрте көзге түскендерімен, одан әріге шамалары жетпеді. Ойын соңында таблодағы көрсеткіш «Ақтөбенің» пайдасына 4:2 есебін көрсетіп тұрды.
«Тараз» (Тараз) – «Жетісу» (Талдықорған) 2:0 (0:0)
Голдар: Сулей 61, Пищур 84 (2:0).
«Астана» (Астана) – «Қайсар» (Қызылорда) 2:0 (1:0)
Голдар: Розыбақиев 26 автогол, Нөсербаев 48 (2:0).
«Атырау» (Атырау) – «Ертіс» (Павлодар) 0:0
«Шахтер» (Қарағанды) – «Қайрат» (Алматы) 0:5 (0:2)
Голдар: Сержио 6 пенальти, Риера 13, 59, Сисей 72, Көкеев 83.
«Ордабасы» (Шымкент) – «Тобыл» (Қостанай) 2:0 (1:0)
Голдар: Малый 45+2, А.Нұрғалиев 67.
«Ақтөбе» (Ақтөбе) – «Оқжетпес» (Көкшетау) 4:2 (0:1)
Голдар: Коробкин 48, Хижниченко 50, 64, 84 – Сахалбаев 20, Роткович 67.
6 шілдеге дейінгі нәтижелер бойынша турнир кестесі
Үздік мергендер:
- Жерар Гоу («Қайрат») – 18 гол;
- Лука Роткович («Оқжетпес») – 8 гол;
- Душан Савич («Жетісу»), Сергей Хижниченко («Ақтөбе») – 7 гол.
20-тур ойындары 11-12 шілдеде ойналады. Аталған турдағы қарсыластар төмендегідей:
«Тобыл» – «Астана»
«Оқжетпес» – «Тараз»
«Шахтер» – «Атырау»
«Қайрат» – «Қайсар»
«Ертіс» – «Ақтөбе»
«Жетісу» – «Ордабасы».
Еламан Қоңыр.
Дерек: egemen.kz.
Сурет: vk.com, fca.kz.
