Астана мен Алматы ТМД-ның танымал қалалары қатарына енді

АСТАНА. 23 мамыр.Travel.ru порталы ресейліктердің 2015 жылы ТМД елдері арасында қай қалаға барып жазғы демалысын өткізуге ниетті екенін анықтады. Аталған портал тіпті ресей халқы ешқандай туристік фирмалардың көмегінсіз 1-маусым мен 31-тамыз аралығында саяхаттайтын қалалардың тізімін жариялап отыр. Бұл туралы zakon.kz хабарлады. ТМД елдерінің ішінде алғашқы ондықтың көшін Минскі, Ереван, Баку, Кишинев, Алматы, Киев, Астана, Витебскі, Бішкек және Одесса қалалары бастап тұр. Аталған порталдың мәліметінше ресейлік туристер Минскі қаласындағы қонақүйдің бір тәулігіне 80 доллар төлесе, Ереванда 55, Бакуде 60 долларға түнеп шығады екен. Ал ең арзан қонақүй Кишиневта (тәулігіне 35 доллар) болса, демалушылардың қалтасын қағатын қымбат жатын орын Астана (тәулігіне 93 доллар) қаласына тиесілі. Сондай-ақ, портал жүргізген сауалнама бойынша ресейліктер аталған қалаларда бір күнгі демалысы үшін 3 мың рубль жұмсайтыны анықталды. Айта кетейік, туристер ТМД елдерінің ішінде Грузияға барып қара теңізге шомылғанды, Қырғызстанның Ыстық-көліне, Қазақстандағы Бурабай мен Шымбұлаққа, Әзербайжандағы Каспий теңізіне, Арменияның Севан және Белоруссиядағы Нарочь көлдеріне суға түсіп, демалғанды ұнатады екен. Талғат Райымбек. Дерек, сурет: zakon.kz.