Қазақстан-НАТО: Парламенттік Ассамблея сессиясы

Мәжіліс Төрағасының орынбасары Абай Тасболатов бастаған Қазақстан Парламентінің делегациясы НАТО Парламенттік Ассамблеясының 61-ші жыл сайынғы сессия­сына қатысты. Отырыс Ставангер (Норвегия Корольдігі) қаласында өтті, деп хабарлады Мәжілістің баспасөз қызметі. Үш күн көлемінде НАТО-ға мү­ше 28 елдің 300-ден астам пар­­ла­­мент­шілері, серіктес-ел­дер­дің делегаттары мен бақы­лау­шылары халықаралық қауіп­сіз­дік мәселелерін талқылап, Украи­надағы жағдайға, Ресеймен қарым-қатынасқа, Таяу Шығыс пен Сол­түстік Африкадағы дағдарыс пен босқындар мәселесі және терроризм қаупінің ұлғайғандығына назар аударды. НАТО ПА депутаттары сессия жұмысында Ассамблеяның бар­лық бес комитетінің баяндамаларын тың­дады және Альянс қызме­тінің өзекті бағыттары бойынша сегіз қарар қабылдады. Жыл сайынғы сессия шең­бер­ін- де Қазақстан Республикасы Пар­ламентінің делегациясы Сая­сат комитетінің, Қауіпсіздікке аза­маттық өлшем бойынша коми­те­тінің, Экономика мен қауіпсіздік комитетінің отырыс­тарына және де Ассамблеяның пленарлық отырысына қатысты. Парламенттік форум аясын­да қазақстандық делегация НАТО ПА Төрағасы М.Тернермен кез­десіп, Альянстың Қазақстанмен ынты­мақтастығын дамытудың маңы­зында жаһандық және аймақтық қауіпсіздікпен қамтамасыз ету жатқанын атап өтті. Қазақстандық парламенттік делегация құрамында Сенат депутаты Сергей Громов та болды.