Шекаралас өңірлердің басшылары Шұбаркөл мәселесін қарады

ҚОСТАНАЙ. 24 мамыр. Қостанай облысының әкіім Нұралы Сәдуақасов Ресейдің Троицк қаласында Челябі облысының губернаторы Борис Дубровскиймен кездесіп, Қарабалық ауданындағы «Троицкая ГРЭС» акционерлікқоғамының филиалы болып саналатын күл үйіндісінің үшінші секциясының пайдалану мерзімін ұзарту мәселесін қарады.Бұлу туралы egemen.kz тілшісі хабарлады. Қостанай облысы бойынша Экология департаменті басшысының міндетін атқарушы Виктор Мұхамеджанов: «Ресей федерациясы мен Қазақстан Республикасы арасындағы ынтымақтастық жөніндегі үкіметаралық комиссия 2018 жылдың 1 мамырынан бастап, күл тастайтын орынды пайдаланбау жөнінде шешім қабылдаған болатын. Онда 2018 жылдың соңына дейін «ОГК-2» – Троицкая ГРЭС» ашық акционерлік қоғамы күл тастаған көлді толық техникалық және биологиялық өңдеуден өткізіп беру шартын орындауы тиіс», деді. Троицк электр стансасының күлін тастайтын орынның жұмысын тоқтатын кез алыс емес, екі жыл ғана қалды. Жыл сайынғы шығатын күл қалдықтарының көлемін есептей келгенде, күл тастайтын орынның 3-секциясы мерзімді 2018 жылдың 1 мамырына дейін жартылай ғана толады. Алайда бүгін күл тастайтын орынның толмаған көлемін өңдейтін технология әлі жасалған жоқ. Өткен жылы қазан айында екі жақ кездесіп, күл тастайтын орынды пайдалану жөніндегі біріңғай ұсыныстар туралы мәжіліс жасаған болатын. Виктор Мұхамеджанов: «Онда 2015 жылдың аяғына дейін күл тастайтын орынның 1, 2 секциясын техникалық және биологиялық өңддеуді аяқтап, 3 секцияны пайдалану шарттарын анықтау мақсатында экологиялық аудит жүргізіп, оны қарап, ұсыныстар енгізуі үшін Экология департаментіне беруі керек болатын. Күл тастайн орынның 3 секциясын пайдалануға беру мәселесі табиғат пайдаланушылар 1 және 2 секцияның жерін өңдеп, мемлекетке тапсырғанда ғана және Шұбаркөл көлінде экологиялық аудит жүргізгенде ғана қаралады» деді. Ал Троицк электр стансасының директоры Борис Краснопеев шарттардың мерзімді орындалып оытрғанын айтыт. Оның айтуынша, күл тастайтын орынның 1 секциясы өңделді, ол үшінші тоқсанда тапсырылуға тиіс.  2 секциядағы техникалық және биологиялық өңдеу жұмыстары басталды, мамыр айында 26 гектар жер өңделді.  Қазірде Троицк ГРЭС-і экологиялық аудит жүргізетін мердігерге конкурс жариялап та қойыпты. Директор қостанайлық экологтарды осылай сендірді. Облыс әкімі Нұралы Сәдуақасов 3 секция толмай онда өңдеу жұмыстарының жүргізілмейтінін түсінетінін айтты. Бірақ  ресейліктер тарапынан 1 және 2 секцияда толық өңдеу жұмыстары аяқталмайынша, 3  секцияны одан әрі пайдалануға беру туралы мәселе қозғалмайтынын да ескертті. Нәзира Жәрімбетова. Дерек, сурет: egemen.kz