Әскер қатары жастармен толығады

Кеше Орталық коммуникациялар қызметінде өткен дәстүрлі брифингте Қазақстан Қарулы Күштері қатарының жаңа сарбаздармен толығатыны айтылды. Қазақстан Қарулы Күштері Бас штабы Ұйымдастыру-жұмылдыру департаменті бастығының орынбасары Амантай Өсербаевтың мәлім етуінше, «Əскери қызмет жəне əскери мəртебе туралы» Заңның аясында биылғы күз айларында Қарулы Күштер қатарына 18-27 жас аралығындағы əскери мерзімдік қызметті кейінге қалдыруға болмайтын жəне əскери мерзімдік қызметтен босатылмайтын 12 мыңдай азамат шақырылатын болады. Қазір осы жұмысты атқару үшін жергілікті əкімдіктердің шеші­мімен барлық облыстарда əскер­ге шақыру комиссиялары мен əс­кер қатарына шақырылатын аза­мат­тардың денсаулығын тексе­ретін медициналық комиссиялар құрылған. Сонымен, əскерге шақыру комис­сиясының төрағасы болып жер­гілікті əкімдердің орынбасарлары, медициналық сараптама комиссиясының төрағасы болып жергілікті денсаулық сақтау басқармасының басшылары тағай­ындалатынын жеткізген Аман­тай Өсербаев әрі қарай былай деді: «Әскерге шақырылып отыр­ған­дардың арасында техникалық білімі бар жігіттер əуе қорғанысы саласындағы əскери бөлімдерге, ал парашюттен секіру спортымен айналысқандар аэроұтқыр əскер­лерінің қатарына, жалпы денс­аулығы жарамды қалған жігіт­тер əртүрлі əскери бөлімдерге жіберіледі. 2015 жылғы әскер қатарына күзгі шақырудың жылда­ғыдан ерекшелігі – биыл азамат­тардың саны көбірек және шақы­рылушыға қойылатын талаптар кү­шейтіліп отыр. Атап айтқанда, азаматтардың денсаулығы, білім деңгейі және моралдық-пси­хи­калық ұстамдылығы жіті қара­лады». Анар ТӨЛЕУХАНҚЫЗЫ, «Егемен Қазақстан».