АСТАНА. 24 мамыр. Бүгін футболдан Қазақстан премьер-лигасының 13-туры өтті. 6 ойынның 5-уінде жеңімпаз анықталса, 1 матч тең аяқталды. Бұл туралы egemen.kz хабарлады.
Жанкүйерлер мен мамандардың назарын ерекше аударған ойын Павлодарда өтті. Өз алаңында «Қайсарды» қабылдаған жергілікті «Ертіс» 4:2 есебімен жеңіске жетті.
Сондай-ақ, турнир кестесінде иық тірестіріп келе жатқан «Атырау» мен «Ордабасы» арасындағы матч та тартысқа толы болды. Орталық кездесу саналған бұл ойын тең аяқталды (1:1).
Жалпы, тур қорытындысы бойынша турнир кестесінде айтарлықтай өзгерістер болған жоқ. Көш басындағы «Ақтөбе» кезекті жеңісіне қол жеткізіп, өз орнын сақтап қалды.
«Шахтер» (Қарағанды) – «Астана» (Астана) 0:4
Голдар: Нөсербаев 11, Твумаси 14, Жолшиев 72, Щеткин 90.
«Оқжетпес» (Көкшетау) – «Тобыл» (Қостанай) 1:0
Голдар: Роткович 90 (пенальти).
«Жетісу» (Талдықорған) – «Қайрат» (Алматы) 0:3
Голдар: Исламхан 17, Гоу 74, Көкеев 90.
«Ертіс» (Павлодар) – «Қайсар» (Қызылорда) 4:2
Голдар: Дудченко 25, 32, 62, Кислицын 41 (3:0) – Юнузович 49, Хунт 90.
«Ақтөбе» (Ақтөбе) – «Тараз» (Тараз) 3:1
Голдар: Айымбетов 19, Тағыберген 63, Дмитренко 87 – Д.Евстигнеев 58.
«Атырау» (Атырау) – «Ордабасы» (Шымкент) 1:1
Голдар: Аржанов 89 – Трайкович 74.
Турнир кестесі.
Үздік мергендер:
- Жерар Гоу («Қайрат») – 12 гол;
- Рохер Каньяс («Астана») – 5 гол;
- Мақсат Байжанов («Атырау»), Әлібек Бөлешев («Оқжетпес»), Олександр Пищур («Тараз»), Неманья Максимович («Астана»)– 4 гол;
14-тур ойындары 29 мамырда өтеді. Аталған турдағы қарсыластар төмендегідей.
«Қайрат» – «Тараз»
«Ордабасы» – «Ақтөбе»
«Астана» – «Атырау»
«Қайсар» – «Шахтер»
«Тобыл» – «Ертіс»
«Жетісу» – «Оқжетпес»
Еламан Қоңыр.
Дерек: egemen.kz.
Сурет: kpfl.kz.
