Бишілер байқауы болды

Астана әкімдігі мен «United4» продюсерлік орталығы елорда мерекесін тойлау аясында «International Street Dance Session» көше биінің VI халықаралық фестивалін ұйымдастырды. 4-5 шілде аралығында өткен би жарысының қатысушыларының қарасы қалың.  Жалғыз және топпен сайысқа түскен бишілердің жас мөлшеріне шектеу қойылмайды. Сондай-ақ, алаңда өнерпаздар көше билерінің хип-хоп, поппинг, локинг, вакинг, крамп және хаус сынды түрлерін көрсетеді. 2010 жылдан бері дәстүрлі түрде өткізіліп келе жатқан осынау би сайысы Астана мерекесі қарсаңындағы жарқын оқи­ғалардың бірі болып табылады. Ал аталған фестивальдің басты қонағы «Шаг вперед 3D» фильмінің жұлдызы Мэдд Чэдд. Сонымен қатар, жарыс­та жеңімпаздарды анықтап, әділ бағасын берушілердің, яғни қазылар алқасының құрамында танымал хореографтар бар. Атап айтқанда, ТНТ арнасындағы «Танцы», MTV-дағы «Звезды танцпола-2» шоуларына қатысқан Злата Масло мен Джастин Бибердің, Майли Сайрус пен Пинктің клиптеріне түскен Aja George бар. Осындай беделді әрі тәжірибелі тұлғалармен тығыз байланыстың арқа­сында бишілер жылдан-жыл­ға кәсібилене түседі. Және де айта кетерлігі, бұл фестивальдің жүлде қоры 2,5 млн.теңгеден асады. Ал бас жүлдеге 1 млн.теңге тағайындалған. Жаңа бастағандар мен кәсіби бишілер үшін бидің әр бағыты бойынша номинациялар қарастырылғандықтан оларға қойылар талап та жоғары. Эльмира МӘТІБАЕВА, «Егемен Қазақстан».