Қарағандыдағы жол жөндеу бизнесті тығырыққа тіреді

ҚАРАҒАНДЫ. 20 қазан. Қарағандыда жол жөндеу жұмыстарының жыры ұзаққа созылып, соның салдарынан кәсіпкерлер шаш-етектен зиян шеге бастады. Бұл туралы zakon.kz сайтына сілтеме жасаған egemen.kz тілшісі хабарлады. Облыс орталығында жаз бойы жүргізіліп жатқан жол жөндеу жұмыстарының «арқасында» 30-ға тарта кәсіпорын шығынға белшеден батқан. Банкроттықтың бұлты төнген шағын бизнес нысандарының арасында дүкендер мен аптекалар және дәмханалар бар. Әсіресе зардап шеккен қаладағы көне кинотеатрлардың бірі екен. Жол жөндеушілер кинотеатрға барар жолдың бәрін үш жарым айға жауып тастаған. Соның кесірінен көрермендер саны төрт есеге азайып, қарыз деген үйіліп қалған екен. Кинотеатр директорының айтуынша, мекеме бүгінгі күнде еліміздегі ірі прокат ұйымдарының алдында 4 миллион теңге, сондай-ақ қызметкерлерінің еңбекақысы бойынша 4,5 миллион теңге қарызға «кіріп» кетіпті. Қайрат Әбілдинов. Дерек, сурет: egemen.kz.