Жапонияда әлемдегі ең ұзақ өмір сүрген ер кісі қайтыс болды

АСТАНА. 7 шілде. Жапонияда 113 жасқа қараған шағында әлемдегі ең ұзақ өмір сүрген ер адам Сакари Момои өмірден өтті. Ол созылмалы бүйрек жетімсіздігіне шалдыққан. Бұл туралы «ҚазАқпарат» хабарлады. Сакари Момоми осы жылдың ақпан айында Токиодағы медициналық мекемелердің бірінде отбасымен өзінің 112-ге толған туған күнін атап өткен болатын. Ал 2014 жылдың тамыз айында сарапшылары оны ғаламшардағы ең егде ер адам деп танып, Гиннестің рекордтар кітабына енгізді. Айта кетейік, Сакари Момои 1903 жылы Хонсю аралының солтүстік-шығысындағы Фукусима префектурасында дүниеге келген. Өмір бойы агрохимиядан сабақ беріп, бірнеше мектептерде директор қызметін атқарған. Туыстарының айтуынша, өмірінің соңына дейін оның ақыл-есі дұрыс болған. Ол өз бетінше кітап оқып, спорттық бағдарламалар көрген. Талғат Райымбек. Дерек, сурет: «ҚазАқпарат».