Әділет министрлері бас қосты

Кеше Астанада ЕурАзЭҚ-қа мүше мемлекеттер Әділет министрлері кеңесінің 15-ші отырысы өтті. Қазақстан Республикасының Әділет министрі Р.Түсіпбеков ЕурАзЭҚ-тың құрылғанына 10 жыл толғанын, сондықтан ол үшін 2010 жылдың мерейтойлық жыл екенін атап өтті. Отырыста сот сарапшыларын халықара­лық стандарттарға сай аккредиттеу, сот-са­раптама мекеме­лерінің өңіраралық ассо­циациясын құру, сол сияқты азаматтарға тегін заңгерлік көмек көрсету және сот актілерін орындау мәселелері қаралды. Қылмыстық атқару жүйесінің кәсіби кадр­лық құрамын қалып­тастырудың маңыз­дылы­ғын на­зарға ала отырып, Қазақстан Рес­пуб­ли­касы, Қырғыз Республикасы және Тәжікстан Республикасы атынан ЕурАзЭҚ-қа мүше мем­лекеттердің оқу орындарында қылмыстық атқару жүйесі меке­мелері мен органдары үшін кадр­лар даярлау туралы келісімге қол қойылды. Ресейлік делегация аталған келісімге қосылуға дай­ын екендіктерін білдірді, деп хабар­лады Әділет министрлігінің баспа­сөз қызметі.