Бағдарламаларға байыпты баға берілді

Кеше Үкіметте Премьер-Министр Кәрім Мәсімовтің төрағалығымен селекторлық кеңес өтті. Кеңесте елімізде білім беруді дамытудың 2011-2020 жылдарға арналған мемлекеттік бағдарламасы мен қоршаған ортаны қорғауда басты маңызға ие болып табылатын 2010-2014 жылдарға арналған “Жасыл даму” салалық бағдарламасы жобалары тағы бір пысықталып, мақұлданды. Әуелі 2011-2020 жылдарға арналған білім беруді дамыту бағдарламасы жобасы төңірегінде баяндаманы Білім және ғылым вице-министрі Махметғали Сары­беков жасады. Ол атап көрсет­кен­дей, мемлекеттік бағдарламаның негізгі стратегиялық мақсаты – азаматтардың материалдық және рухани әл-ауқатын жақсарту, экономиканың тұрақты дамуы үшін баршаға арналған сапалы білімнің қолжетімділігін қамтама­сыз ету арқылы білімнің бәсекеге қа­білеттілігін арттыру, адами ка­питалды арттыру. Бұл бағдарла­ма­да 9 бағытты іске асыру көзделген. Бағдарлама екі кезеңде жүзеге асырылатын болады. Бірінші кезең 2011-2015 жылдарды, екінші кезең 2015-2020 жылдарды қамтиды. 2011 жылдан бастап 2013 жылға дейін үш жылдық бюджеттен бағ­дарламаны қаржыландырудың қо­сымша мөлшері мемлекеттік бюд­жеттен 151 млрд. 159 млн. 213 мың теңгені, оның ішінде 2011 жылы 50 млрд. 627 млн. 776 мың теңгені құ­райды. Сондай-ақ ол кейінгі жыл­дардың шығыстары мемле­кет­тік бюджетті түзу барысында қа­растырылатындығын айта келе, мемлекеттік бағдарламаны іске асыру сапалы білімге барлық аза­маттардың қолжетімділік жағдай­л­а­рын жасау арқылы білімді да­мытуға серпінді ықпал етеді, деді. Осы орайда вице-министр мемле­кеттік бағдарлама бойынша 288 ұсыныс пен ескертулер келіп түскенін және оның 104-і аталған құжатқа енгізілгенін де жеткізді. 2010-2014 жылдарға арналған “Жасыл даму” бағдарламасы шең­берінде баяндама жасаған Қорша­ған ортаны қорғау министрі Нұр­ғали Әшімов аталған бағдарлама Қазақстанның 2020 жылға дейінгі стратегиялық даму жоспарын және Елбасының тікелей тапсырмасын іске асыруға бағытталғанын айтты. Сонымен қатар ол бағдарламаны іске асыру нәтижесінде бірқатар көрсеткіштерге қол жеткізу жос­парланып отырғанын, атмосфераға зиянды заттар шығарынды­лары­ның төмендеу пайызы 2009 жыл­мен салыстырғанда 2014 жылға қарай кемінде 5,9 пайызды құ­рай­тынын атап өтті. Парникті газ­дардың жылдық шығарымдылары көлемінің төмендеуі 2014 жылы 1992 жылға қарағанда 1 пайызға жет­пек. Киіктер санының өсуі 2014 жылға таман 10 пайызды құ­раса, орман отырғызу көлемінің жыл сайынғы ұлғаюы 2014 жылға қарай 65 мың гектарды құрайтын болады. Бағдарламадағы жұмыс “жа­сыл экономиканы” дамыту, қор­шаған орта мен адам денсау­лы­­ғына антропогенді әсерді тө­мендету, табиғи экожүйелерді сақ­т­ау және қалпына келтіру, соны­мен қатар қоршаған ортаның са­па­сын басқару жүйесін дамыту және жетілдіру сынды төрт бағыт бой­ынша жүзеге асырылмақ. Бағдар­ламаны жүзеге асыруға 350 млрд. теңге бағыттау көзделуде. Селекторлық кеңесте Премьер-Министр К.Мәсімов облыстар әкімдерінің орта мектептердің жаңа оқу жылына жан-жақты дай­ын­дықтары жайындағы баяндама­ла­рын тыңдады. Сондай-ақ ол Премьер-Министрдің кеңсесіне өңірлердегі орта білім беретін ны­сан­дардың жаңа оқу жылына дайын­дығын тексеру үшін бас инс­пекторларды жіберуді тапсыр­ды. Үкімет басшысы бас инс­пек­торлар білім беру нысандарын тексер­геннен кейін олардың жағдайлары жайында өзіне нақты баяндама әзірлейтіндігін айта келе, одан соң кез келген шешімнің, тіпті кінәлілерді жұмыстан босату туралы шешімнің қабылдануы да мүмкін екендігін ескертіп өтті. Осы ретте Үкімет басшысы жергілікті атқару органдары басшыларына жаңа оқу жылына дайын емес білім ошақтарының дайындығын аяқ­тауды тапсырды. Әбдірахман ҚЫДЫРБЕК.