Жақсы дайындықпен басталды

Облыстық білім басқармасының мә­лі­мет­терінше, жалпы облыс мектептерінде 92539 оқушы білім алады. Барлық ауыл мен қалада жаңа оқу жылына дайындық жұ­мыстары өз деңгейінде жүргізілді. Жалпы, “Жол картасы” бағдарламасы бойынша облыстағы бірқатар мектептер күрделі жөндеуден өткізілді. Ал, Ертіс ауданы Иса Байзақов ауылындағы 150 орындық мектеп жергілікті бюджет есебінен салынып жатса, ол осы қыркүйек айында пайдалануға беріледі деп жоспарланған. Облыс көлемінде 420 жалпы білім беретін мектеп бар. Бұлардың қатарын­да­ғы 335 ауыл мектебінде 35327 оқушы білім алуда. Өткен оқу жылы мектептерде 456 өзге ұлт өкілдерінің балалары қазақ тілінде оқыды. Бұл күндері қазақ мектеп­терінің саны көбеюде. Қазір облыста 147 қазақ мектебі, 154 аралас мектеп бар. Осы жылы 36 био­­логия кабинетін, 27 мультимедиялық ка­бинет ашу жоспарлануда. Облыстағы 123 мек­тепті күрделі жөндеу үшін 1029,4 мил­лион теңге қаражат жұмсалды. Жазғы ка­ни­кул кезінде 1-10 сынып оқушылары үшін әр түрлі үлгіде 608 лагерь ұйым­дас­тырыл­ды. Сонымен қатар, алдағы жылдары 216 орындық 83 шағын орталық ашу, 2435 орын­дық 19 балабақшаны қайта қалпына келтіру, облыс орталығын­да 1640 орындық 8 балабақша, Ақсу қала­сында 270 орындық 3 балабақша, Екібастұз қаласында 100 орын­дық 1 балабақша, Павлодар ауда­нын­да 160 орындық 3 балабақша, Железин, Май, Ертіс, Шарбақ­ты аудандарының әр­қай­сысында 1 бала­бақ­шадан ашу жоспар­ла­нып, бірқатары қолданысқа беріліп те жатыр. Жаңа оқу жылында ауыл мектептеріне 425 жас маман барды. Жас мұғалімдерге тұрғын үй сатып алу үшін қажетті көлем­де несие қаражаты қарастырылған. Фарида БЫҚАЙ, Павлодар облысы.