300 пәтер жылу жүйесіне қосылады

Облыстағы шалғайдағы аудан орталығы болып саналатын Же­лезинкада соңғы жылдары  біраз жақсы істер қолға алына бас­та­ды. Ауыл шаруашылығы өркен­деген  жеміс-жидегі мол, үйрек пен қазды көп өсіретін, жылда мол өнім алатын астықты аудан деген аты бар. Ал, аудан орталы­ғында  әртүрлі ұлт өкілдерінің басын құрайтын үш мыңдай ха­лық тұрады. Бұлардың арасында орта толтырып Өзбекстан жағы­нан келген өз қандастарымыз да бар. Қазақ тілінде білім беретін  жаңа орта мектеп салынды. Был­тыр жаңа аурухана, спорт­тық-сауықтыру кешені пайда­лануға берілді. Күніне 500 литр сүт өндіретін, одан қаймақ, ірім­шік, айран жасап шығаратын “Нөкер” атты кооператив жұмыс жасайды. Ал, биыл аудан орта­лы­ғында іске асқан тағы бір ша­руа – ол талай жылдар бойы тұр­ғындар асыға күткен бір ор­та­лықтан жағылатын жылу жүйе­сінің іске қосылуы болып отыр. Жалпы, ауданда “Жол кар­тасы” бағдарламасы бой­ын­ша 5 жоба қолға алынған болса, соның  қатарында аудан орталығындағы тұр­ғын-үй коммуналдық шаруа­шы­лық саласына қарасты ны­сандарды, жеке тұрғын үйлерді жылыту маусымына дейін дайындап, жылу қазан­дықтарын ауыстырып, жөн­деу-жаңарту жұмыстары жүр­гізілуде. Тұрғын үйлерден бас­қа 40 әлеуметтік нысан да енді осы жылу жүйесінің қыз­метін пайдаланатын бо­ла­ды. Бұл мақсатты бағдарла­ма­ға 60 миллион теңгедей қаражат бөлінген көрінеді. Аудан орталығындағы  тұр­ғын­дарды қуантқан мұндай игі іс жергілікті “Көмек” деп аталатын кәсіпорын бас­шы­сы Валерий Жуковқа жүкте­ліп­ті.  Бұл жұмыстарға 115 адам тартылған. Фарида БЫҚАЙ, Павлодар облысы.