Парламентшілер жас талдар отырғызды

Елордамыз Астанада өткен жалпықалалық сенбілікке Сенат де­путаттары мен аппарат қыз­мет­керлері белсене қатысты. Қалыптасқан дәстүр бойын­ша, пар­ламентшілер Астана кел­бе­тін ай­шықтай түсетін жаңа саябақтар қа­лып­тастырып, кө­шет­тер отырғызды. “Хан ша­ты­ры” сауда ойын-сауық орта­лы­ғы­ның ауданы терек пен үйең­кінің көшеттері отырғызылған жасыл аллеямен толықты, деп ха­барлады  Парламент Сенатының баспасөз қызметі. *  *  * Астанадағы айшықты ғимарат – “Хан Шатыр” орталығының оңтүстік-батыс беткейіне жас талдар отырғызылды. Мизам шуа­ғы төгіліп тұрған сенбі күні ағаш отырғызуда Рахмет Мұқа­шев, Құттықожа Ыдырысов, Бекен Әлімжанов, Қабиболла Жа­қыпов, Розақұл Халмұрадов, Ра­мазан Сәрпеков, Ерболат Әп­са­лямов, Виктор Киянский, Владимир Бобров, Виктор Рога­лев, Александр Милютин, Құр­манғали Уәли, Ромин Мәдинов, Еркін Рамазанов, Азамат Тұр­сы­нов, Мейрам Пішембаев, Мұрат Ахмадиев және басқа да халық қалаулылары белсенді еңбек етті. Бірі қара топырақты зембілге салса, екіншілері оны тасып, жас талдардың түбіне жеткізіп тұрды. Осы күні Айткүл Самақова, Гүл­жан Қарағұсова, Зағипа Ба­лиева, Динар Нөкетаева, Люд­мила Хочиева, Айгүл Соловьева, Свет­лана Бычкова, Елена Тара­сенко, Ольга Киколенко, Наталья Геллерт және басқа да әйел де­путаттар ер азаматтардан қалыс­пай жұмыс жасады. Сенбіліктің нәтижесінде Тұран даңғылының бойында егілген жас талдар елордаға көрік беріп, жайқалып тұратын болды. “Егемен-ақпарат”.