Мемлекеттік тілге маңыз берілді

Сәрсенбі күні Жоғарғы Сотта еліміз халықтары тілдерінің күні мерекесіне орай, сот жүйесінде мемлекеттік тілді қолдану аясын кеңейту мақсатында “Сот істерін мемлекеттік тілде жүргізу­дің өзекті мәселелері” тақырыбында дөңге­лек үстел өтті. Оған Жоғарғы Сот Төр­ағасы Мұсабек Әлімбеков, Парла­мент Мәжілісінің депутаттары Ирақ Елекеев, Рамазан Сәрпеков, Астана қаласы тіл­дерді дамыту басқармасының бастығы Оразкүл Асанғазы, сондай-ақ Жоғарғы Сот судьялары, аппараттың құрылым­дық бөлімдері басшылары қатысып, ой бөлісті. Дөңгелек үстелді кіріспе сөзбен ашқан Жоғарғы Сот Төрағасы Мұсабек Әлімбеков “Бүгінгі басқосудағы негізгі мақсат сот ісін мемлекеттік тілде жүргізу мәселесі бойынша жинақталып қалған көкейкесті проблемаларды талқылау” деп аталмыш шараның маңыздылығына назар аударды. Басқосуда сөз алған Астана қаласы тілдерді дамыту басқармасының басты­ғы Оразкүл Асанғазы дәл тіл мерекесі күні осындай іс-шараны ұйымдасты­рып, оған өзі тікелей ұйтқы болған Жоғарғы Сот Төрағасы М.Әлімбековке ризашылығын білдіре келе, мемлекеттік тілді дамытуға қатысты өз ұсыныстары мен пікірлерін ортаға салды. Әбдірахман ҚЫДЫРБЕК.