Келелі кездесулер кезеңі

Елбасымыздың барша қазақ­стан­дықтарға арнаған биылғы Жол­дауының негізгі қағидаттарын ха­лыққа түсіндіріп, оның басым ба­ғыттарын кеңінен насихаттау мақ­сатында Сыр аймағына келген рес­публикалық ақпараттық-насихат­тық топ Қазалы, Жалағаш, Шиелі ау­дан­дарында болып, көпшілік ха­лық­пен жылы жүздесулер өткізді. Кездесулерде насихаттық топ мүшелері білім беру мен денсаулық сақтау саласындағы елімізде атқа­рылып жатқан ауқымды жұмыстар­ға кеңінен тоқталды. Білім және ғылым министрлігі мемлекеттік сатып алу ақпарат­тық-техникалық қамтамасыз ету де­пар­таментінің басқарма бас­ты­ғы Май­ра Мелдебекова бала­бақ­ша­мен қам­ту жайын, 12 жылдық білім бе­руге көшуді, ата-ана, мек­теп, оқу­шы тарапынан бай­ла­ныс жасауды жолға қою қажет­ті­гіне тоқталды. Ішкі істер министрлігі жол по­ли­циясы комитетінің төрағасы Қай­­рат Тыныбеков бастаған ақпа­рат­тық-насихаттық топ өкілдері Жалағаш ауданы тұрғындарымен, ал Президент Әкімшілігінің Ішкі саясат бөлімінің сектор меңгерушісі Қуат Борашев бастаған топ өкілдері Шиелі ауданы тұрғындарымен жылы жүздесулер өткізді. Қайсыбір аудандағы кездесу­лер­ден соң Астанадан арнайы ат бас­тарын бұрған республикалық ақ­параттық-насихаттық топ мүшелері қоғамдық қабылдаулар өткізді. Еркін ӘБІЛ. Қызылорда облысы.