Елбасы қабылдады

Мемлекет басшысы Нұрсұлтан Назарбаев Қазақстан Республи­касы Парламенті Мәжілісінің Төрағасы Орал Мұхамеджановты қабылдады, деп хабарлады Қа­зақстан Республикасы Президенті­нің баспасөз қызметі. О.Мұхамеджанов Президентті Парламенттің заң шығармашылық жұмысы, “Нұр Отан” ХДП парла­менттік фракциясының қызметі туралы хабардар етті. Атап айт­қанда, ағымдағы жылғы бюджетке өзгерістер енгізу және алдағы үш жылдық бюджет жобасымен жұмыс туралы әңгіме қозғалды. Кездесу барысында сондай-ақ Парламенттің және “Нұр Отан” ХДП парламенттік фракциясының алдағы уақыттағы халықаралық іс-шаралары туралы сөз болды. *  *  * Кеше Мемлекет басшысы Нұрсұлтан Назарбаев Қазақстан Республикасының Бас Прокуроры Қайрат Мәмиді қабылдады, деп хабарлады Қазақстан Республи­ка­сы Президентінің баспасөз қызметі. Бас Прокурор Президентті құқық қорғау қызметін жетілдіруге, прокуратура органдарының үйлес­тірушілік функциясын күшейтуге, прокурорлық қадағалаудың тиім­ді­лігін одан әрі арттыруға бағыт­тал­ған құқықтық реформа мәселелері жөніндегі Президент Жарлығының негізгі қағидаларын жүзеге асыру бойынша Бас прокуратураның ат­қа­рып жатқан жұмыстары жөнінде хабардар етті. Бас прокуратура қылмыстық заңнамаларды ізгілендіру және қылмыстық процестегі заңдылық­тың кепілдігін күшейту мәселелері бойынша заң жобасының негізгі әзірлеушісі болғандықтан, Бас Прокурор осы құжаттың дайындалу барысы туралы баяндап берді. Ол заң жобасының қылмыстық заңна­маны ізгілендіруге, әсіресе, жеке кәсіпкерлік субъектілеріне қатысты және халықтың әлеуметтік жағы­нан аз қамтылған бөлігіне, қыл­мыс­тық қудалаудың репрессия­шыл­дығын төмендетуге, сондай-ақ құқық қорғау органдары қызметінің тиімділігін бағалау жолдарын же­тілдіруге бағытталған аса маңызды міндеттердің бірнеше ірі топтарын шешетінін атап өтті. Сонымен қатар Қ.Мәми Мем­лекет басшысын еліміздегі заңды­лық пен құқық тәртібін одан әрі күшейту жөнінде қабылданып жат­қан шаралар туралы хабардар етті. Атап айтқанда,  қылмыстар туралы арыздар мен хабарларды электрон­ды тіркеуді енгізу, құқық қорғау құ­рылымдарының бірыңғай мәлі­меттер базасын қалыптастыру, қылмыстық процестер барысында азаматтардың құқықтарын қорғау бойынша прокурорлық қадағалауды күшейту жөнінде баяндады. *  *  * Мемлекет басшысы Нұрсұлтан Назарбаев “Атамекен” саяси пар­тиясының төрағасы Өмірбек Те­кебаевты (Қырғыз Республикасы) қабылдады, деп хабарлады Қазақ­стан Республикасы Президентінің баспасөз қызметі. Кездесу барысында Қырғыз­стан­дағы жағдайды тұрақтандыру мә­селесі, қауіпсіздікті нығайту са­ласындағы ЕҚЫҰ-ның рөлі тал­қыланды. Журналистерге арналған бри­фингте Ө.Текебаев бүгінде Қыр­ғызстанда маңызды саяси үдерістер жүріп, жаңа саяси жүйе қалып­тасуда екенін атап өтті. Қазақстан туыстас респуб­лика және ЕҚЫҰ-ның төрағасы ретінде Қырғызстандағы жағдайды тұ­рақтандыруға нақты көмектер көрсетуде. Біз Қазақстан мен Қыр­ғызстан келешекте де екі жақты ынтымақтастықты табысты дамыта беретініне сенеміз, – деді Ө. Текебаев.