Тәтті тағамдар фестивалі өткізілді

Ақтөбе қаласында қоғамдық тамақтандыру сала­сының қызметін жақсарту бағытында біраз жұмыстар жасалуда. Облыс орталығындағы мейрамханалар мен қонақ үйлер өз қызметтерін әлемдік стандарттарға сай жүргізуге талпынуда. Соның бір мысалы жыл сайын мейрамханалар арасында өткізілетін тәтті тағамдар фестивалі деу орынды. Фестивальға қатысқан 12 мейрамхана  өкілдері шетелдік мамандармен тәжіри­бе алмасты. Онда Мәскеуден, Түркиядан және Ал­ма­тыдан келген арнайы жаттықтырушы мамандар даяшылар мен аспаздарға дәріс берді. Сондай-ақ, фестивальдің аясында тәтті тағамдар көрмесі ұйым­дастырылды. Фестиваль соңында “Үздік даяшы”, “Үздік кулинар” және “Үздік тәтті тағам пісіруші” номинациялары бойынша жеңімпаздар анықталып, оларға бағалы сыйлықтар тапсырылды. Сатыбалды СӘУІРБАЙ, Ақтөбе облысы.