Сыбайлас жемқорлыққа қарсы күрес

Комиссияның кезекті мәжілісінде қаралды Ақордада Мемлекеттік хатшы – Сыртқы істер министрі Қанат Саудабаевтың төрағалық етуімен Қазақстан Республикасы Президентінің жанындағы Сыбайлас жемқорлыққа қарсы күрес мәселелері жөніндегі комиссияның кезекті отырысы болды. Күн тәртібінде төтенше жағ­дай­лар мен қоршаған ортаны қорғау органдарының, сондай-ақ сыбайлас жемқорлыққа қарсы күрестің мемлекеттік, өңірлік бағ­дарламаларын іске асыру бойынша Атырау, Қызылорда облыстары­ның әкімдіктері қызметтерінде сыбайлас жемқорлыққа қарсы іс-қимыл бойынша атқарылған шараларды талқылау болды. “Сыбайлас жемқорлыққа қарсы күрестің қоғам мен мемлекет қауіп­сіздігінің маңызды факторы болуы заңды. Осы себепті Прези­дентіміз оған баса назар аударып отыр” деді комиссия отырысында төраға. Ал атқарылған жұмыс нәти­же­лері туралы Төтенше жағдай­лар жөніндегі және Қоршаған ортаны қорғау министрлері В.Божко мен Н.Әшімов баяндамалар жа­сады. Атырау облысының әкімі Б.Рысқалиев, Қызылорда облысы­ның әкімі Б.Қуандықов сыбайлас жемқорлыққа қарсы күрестің 2006-2010 жылдарға арналған өңірлік бағдарламаларын іске асыру жөнінде есептер берді. Отырыс қорытындысы бойын­ша комиссия тиісті мемлекеттік ор­ган­дарға өз қатарларында жемқор­лықты болдырмау, кадрлармен тиісті және ашық жұмыс істеу, мемлекеттік қызмет көрсету стандарттарын мүлтіксіз сақтау мен оның сапасын көтеру жайы жан-жақты әңгіме арқауына айналып, 2006-2010 жылдарға арналған мемлекеттік және өңір­лік бағдарламаны, Елбасының сыбайлас жемқорлыққа қарсы күресті күшейту жөніндегі тап­сырмаларын іске асыру бойынша жүйелі жұмыстар жүргізуге ұсы­ным жасалды. Сүлеймен МӘМЕТ.