Жаңа ақпараттар хабарланды

Кеше Экономикалық қылмысқа және сыбайлас жемқорлыққа қарсы күрес агенттігінде жақында ғана “өз қызметтік бабын асыра пайдаланған” деген айып тағылған Денсаулық сақтау министрі Жақсылық Досқалиевке қа­­тысты қозғалған іс туралы брифинг болып өтті. Онда агенттіктің ар­найы өкілі Мұрат Жұманбай осы іске қатысты жаңа деректерді жария етті. Тергеуге дейінгі тексеріс ба­ры­сында біз Досқалиев пен бір­қатар тұлғалардың қылмыстық жауап­кер­шіліктен жалтарудың түрлі жол­дарын жоспарлағандығы ту­ралы ақпаратқа ие болдық, оның ішінде шетелге шығу және ден­саулық жағдайының нашар­лауына байланысты жәйттер бар, деп хабарлады арнайы өкіл. Қазақстан аумағынан кету жөнін­дегі сәтсіз­дік­­тен кейін Ж.Досқа­лиев өзге тұл­­­ғалармен сөз бай­ла­­сып, 2-ші жос­­парға көшкен. Біз бұл жерде Дос­­қалиевтің әріп­тес­те­рі мен ба­ғы­ныш­тыларының кор­поративтік бір­лестігіне тап бол­дық, деді ол. Бри­финг бары­сында бас дәрі­гер­дің, оның ор­ын­басарының және тиісті емдеуші дәрігердің жауап берген бейне­жаз­басы көрсетілді. “Бей­нежаз­ба­ның мазмұнынан қар­жы поли­­ция­сы қызметкерле­рі­нің бар ке­зінде ессіз жағдайда бол­ған Дос­­қа­лиевтің шын мәнінде ауруға си­муляция жасағандығы және тер­геу органдарын өзінің ден­сау­лы­ғына қатысты қасақана ал­да­ған­дығы көрініп тұр. М.Жұ­ман­бай­дың айтуынша, күдікті Досқа­ли­ев­тің денсаулық жағдайы оған қой­ылған диагнозға сәйкес келмейтін көрінеді. Венера ТҮГЕЛБАЙ.