Дамуға заңдық негіз қажет

Кеше Президент жанындағы Адам құқықтары жөніндегі комиссия сарапта­малық кеңесінің кеңейтілген отырысы өтіп, онда “Қазақстан Респуб­ликасының заңна­малық актілеріне адвокатура жөніндегі өзгерістер мен толықтырулар енгізу туралы” заң жобасы талқыға салынды. Адвокатура институтының базасы құрылғанымен, оның әрі қарай дамуы заң­дық тұрғыдан әлсіз еді. Енді оның орны толықтырылатын болды. Әділет ми­нистрлігі тарапынан әзірленген заң­дық құжат осы салаға қатысы бар деген ма­мандар тарапынан талқыға түсті. Оты­рысқа үш түрлі тарап өкілдері – ад­во­­кат­тар, танымал құқықтанушы ға­лым­дар, халықаралық және отандық үкі­меттік емес ұйымдар қатысты. Пре­зидент жа­нын­дағы Адам құқықтары жөніндегі комиссия хатшысы Тастемір Әбі­шев Конс­титу­ция­ның 13-ші бабына сәй­кес Қазақ­стан­ның әрбір азаматы білікті заңгер көмегін алуға құқылы екендігін айта ке­ліп, алайда адвокатура институты халық­аралық стандарттарға сәйкес емес­тігін ерекше атап өтті. Оның үстіне адво­каттар саны да аз болып тұр. Сондықтан заң жо­ба­сымен халыққа заңдық көмек көр­сету қызметін арттыру, адвокаттар­дың тәуел­сіздігін қамтамасыз ету, қыл­мыстық жә­не азаматтық істерді қара­ғанда тепе-теңдік пен бәсекелестік қағи­датын сақтау көз­делу­де. Ең бастысы – адвокаттар заң­мен қорғалуы тиіс. Бола­шақ заңна­малық құ­жат­та осы мәселелер нақты көрініс табулары керек. Сөйтіп, сараптамалық кеңестің ұсы­нымдық шешімдері Мемлекет басшысы жанындағы Адам құқықтары жөніндегі комиссия мүшелерінің назарына ұсы­нылып, соңынан Парламент пен Үкімет қарауына жолданатын болады. Асқар ТҰРАПБАЙҰЛЫ.