Жаңа зауыт шығаратын өнім де жаңа

Өзгеріс өлшемі – өндіріс Бүгінгі мемлекеттік сая­сат­тың негізі халықтың әл-ауқатын арттырумен және ертеңге деген сенімдерін нығайтумен өлшенеді десек, еліміз эко­но­микалық жағынан ілгері басып, өзге мемлекет­тердің се­німді әріптестік көзқара­сын қалыптастырып келеді. Озық инфрақұрылым­ды ны­ғайту үшін қаржы салушы ин­весторлар қатары  көбей­гені де осыған дәлел. Астанада өткен бизнес форумда Елбасы Нұрсұлтан Назарбаев пен Германияның канцлері Ангела Меркельдің қатысуымен “Аксиома-Сер­вис-Контракт” құрылыс ком­паниясы мен немістің “FCP” инвестициялық ком­па­ниясы заманауи зауыт са­луда бірлескен кәсіпорын құ­ру жөнінде келіскеніне біраз болды. Сол бастама бойынша таяуда атал­ған компания жетекші­ле­рін облыс әкімі Серік Үм­бетов қабылдап, жақсы істің тиянағын келтіруге байла­ныс­ты мәселелер ортаға са­лынды. “Аксиома-Сервис-Кон­тракт” құрылыс компания­сы­ның басшысы Қайрат Қамау­баев бірлескен кәсіпорынның полиэтилен және жылу құ­быр­ларына арналған жаңа тех­нологиялық өнім шығаруды қолға алатынын ортаға салды. Өйткені қазіргі кезде бұл өнім үлкен сұранысқа ие. Финляндияның  “KWH”  ком­паниясының озық үлгідегі технологиясы дүние жүзіне танымал. Бүгінде олардың зауыт­тары Солтүстік Америка, Канада, Еуропа, Ресей мем­ле­кеттерінде жұмыс істеп,  мол тә­­жірибе жинақтаған әрі тұты­ну­шы талғамын қанағаттан­ды­руда. Басқосуда Қазақстанда “FCP”, “KWH” және “Ак­сио­ма-Сервис-Контракт” ком­па­ниялары бірігіп, жаңа зауыт­тың жобасын бастау үшін ке­лісім-шартқа отырды. Зауыт құрылысы биылғы қараша айында басталады деп  жос­парланса, құрылысқа  қажетті жер телімі Қарасай ауданы ай­ма­ғынан беріліп, оған 27 млн. еуро жұмсалмақшы. Өндіріс толық іске қосылғанда 150- ден астам  адам жұмыс істей­тін болады. Жылдық өнім өндіру кө­лемі 40-45 мың еуроны құрай­ды.  Еліміз үшін мұндай өнді­ріс орны  аса қажет, оның са­па­сы да жоғары, дейді кәсіп­орын басшылары. Компания жетекшілерімен кездесуде облыс басшысы өңірдің эко­номикалық, әлеуметтік да­муы­нан хабардар етіп, соңғы жылдары инвестиция тарту мәселесінде біршама жұмыс­тар атқарылғанын айтып өтті. Кездесуде Вернард Кнам  біз Қазақстанда зауыт салуды қолға алмас бұрын мұндағы қар­жы дағдарысына қарамас­тан жағдайдың тұрақты еке­ні­не назар аударып, экономика мен рынокты зерттедік. Нә­тижесінде Қазақстанның инвестор тартудағы әлеуеті жоғары екендігіне көз жетті, деді. Екі жақты әңгіме ба­ры­сында бірлескен үш компанияның алдағы міндеттері мен жауапкер­ші­ліктері ортаға салынып, игі бастамаға сәттілік тіленді. Же­тісу өңірінде осылайша тұрмысқа қажетті поли­эти­лен және жылыту құбыр­ла­рына арналған жаңа техно­логиялық өнім шыға­ры­латын күн жақын деуге негіз бар. Күмісжан БАЙЖАН,  Алматы облысы.