Міндеттемелерге шолу жасаудан басталды

30 қыркүйекте Варшавада соңғы 11 жылда бірінші рет өткелі от­ырған ЕҚЫҰ Саммитіне дайындық шеңберінде ЕҚЫҰ-ға мүше мем­ле­кеттер өкілдерінің кездесуі бас­тал­ды. Кездесуде олардың Ұйым шең­­­берінде алған міндеттемелерінің орындалу барыстары қаралуда. Шолу жөніндегі он жетінші кон­ференция қазан-қараша айла­рын­да Варшавада, Венада және ЕҚЫҰ-ға 2010 жылы төрағалық ету­ші ел – Қазақстан Республи­ка­сының елордасы Астана қаласында өтеді. Конференция шеңберінде 1-2 желтоқсанда Астанада өтетін ЕҚЫҰ Саммитіне дайындық мәселелері қаралатын болады. 1975 жылы Хельсинки Қоры­тын­ды актісіне қол қойылғаннан бер­гі кезеңде айтарлықтай про­грес­ке қол жеткізілді, деп атап өтті Қа­зақстан Респбуликасы Сыртқы іс­тер министрінің орынбасары және ЕҚЫҰ-ның Іс басындағы төраға­сы­ның арнайы елшісі Константин Жи­галов пленарлық отырыстың ашы­­­луында сөйлеген сөзінде. “ЕҚЫҰ өңіріндегі адамдар бүгінде ашық саяси және экономикалық жүйеде өмір сүруде, Хельсинки үде­рісінің басында болғандағыдай, енді оларға әскери-саяси шиеленіс­тер қысым жасамайды”, деді ол. “Дегенмен, өкінішке қарай, Хельсинки Қорытынды актісінің принциптері мен ЕҚЫҰ-ның мін­деттемелері бүгінде толық мәнінде сақталып, жүзеге асырыла бер­мей­ді. Күш қолдану бұрынғысынша дау­ларды реттеудің мүмкіндігі бо­лып саналады, сондықтан мемле­кеттер арасындағы дау-жанжалдар әлі күнге дейін жойылған жоқ. Трансұлттық қатерлер нақты қау­­іп­тер төндіруде, көптеген дау-жан­жал­дар болса шешілмеген күйі қа­лып отыр. Қарапайым қару-жарақ­қа бақылау жасау үдерісі тұйыққа тірелді”. Шолу жөніндегі конференция­ның мақсаты “біздің үкіметтеріміз ЕҚЫҰ-ға мүше өзге мемлекеттерге және біздің бәрімізге – азаматтарға қатысты өздері қабылдаған міндет­темелерді сақтап отыр ма деген бір ғана мәселеге келіп тірелуі мүм­кін”, деді ЕҚЫҰ Парламенттік Ас­сам­­блеясының президенті Петрос Эфтимиу. Варашавада өткен шолу жөнін­дегі конференцияның бірінші бөлігі шеңберінде адам құқықтарының сақталуы, демократиялық басқару жә­не толеранттылықты алға басты­­­ру си­яқты адамдық өлшемдер сала­сын­дағы міндеттемелер қаралатын бо­лады. Ал 18-26 қазан аралығында кон­ференцияға қатысушылар мөл­дір­лік пен қызметтестік деңгейлерін арттыру сияқты әскери-саяси өл­шемдегі міндеттемелер мен эко­но­микалық-экологиялық өлшемдегі саналы басқаруды алға бастыру тә­­різді міндеттемелерді қарайтын бо­лады. Конференцияның 26-28 қа­рашада Астанада өтетін бөлігінде тағы да адамдық өлшемдер мәсе­ле­сіне айрықша көңіл бөлінбекші. ЕҚЫҰ ұсынған басқару моделі табысты болып саналады, бірақ тұрақты назарда ұстауды талап ете­ді, деп атап өтті ЕҚЫҰ-ның Бас хат­шысы Марк Перрен де Бри­шамбо. “Ұйым негізінде жатқан ад­ал ниетті мақсаттарды жүзеге асы­­­­­ру ісінде ЕҚЫҰ әрбір мүше мем­лекеттің белсенді атсалысуына жә­не олардың еркін саяси ерік-ж­і­­гер­леріне сенім артады. Бұл – теңдік прин­ципі мен қауіпсіздік рухында үне­мі жетіліп отыратын қызмет­тес­тікке негізделген жанды жоба”. Шолу жөніндегі конференция кезінде атқарылуға тиіс жұмыстар Ас­танадағы Саммиттің “мемле­кет­тер арасындағы өзара сенімді қал­пына келтіру үдерісінде, сол си­яқ­ты Ұйымның беделін нығайтып, оның қызметінің белсенділігін арт­тыруда” әлеуетке ие екендігін біл­­­ді­реді, деп мәлімдеді Польша Мем­­лекеттік хатшысының орынбасары Гражина Бернатович. Шолу жөніндегі конференция жұмысына 400-ге жуық үкіметтік емес ұйымдар қатысуда. Олардың жұмыс сессияларына қатысуға то­лық құқылары бар және көкейкесті проблемаларды үкімет өкілдерімен бірдей жағдайда талқылай алады.