Отырыстың күн тәртібі қаралды

Кеше Парламент Мәжілісінің Төрағасы Орал Мұхамеджановтың жетекшілігімен палата бюросының кезекті отырысы өтті. Сәрсенбі күні өтетін жалпы отырыста депутаттар “1998 жылғы 12 қазандағы Қазақстан Респуб­ли­ка­сының Үкіметі мен Ресей Фе­де­рациясының Үкіметі арасындағы Қазақстан Республикасының Ре­сей Федерациясындағы және Ресей Федерациясының Қазақстан Республикасындағы дип­ло­ма­тия­лық өкілдіктері мен консулдық мекемелерін орналастыру және олар­ға қызмет көрсету шарттары туралы келісімге өзгерістер енгізу туралы хаттаманы ратификациялау туралы” заң жобасын талқыға сала­тын болды. Сонымен бірге, Үкіметтен ке­ліп түскен жаңа заң жобаларына қорытынды әзірлеу мәселелері қа­­ралды. Сол секілді “1968 жыл­ғы 8 қарашада Венада қол қою үшін ашық Жол жүрісі туралы кон­вен­цияны толықтыратын Еуро­палық келісімді ратифи­ка­циялау туралы”, “Дүниежүзілік пошта одағының Жарғысына Жетінші қосымша хаттаманы ратификациялау тура­лы” заң жобалары бойынша қоры­тынды шығару уақыты белгі­ленетін болады. “Егемен-ақпарат”.