Мемлекеттік тіл қайтсе өрге басады?

Орал қаласында “Мемлекеттік тіл саясаты: жаңа кезең мен жаңа міндеттер” атты ІІІ халықаралық ғылыми-практикалық конферен­ция өтті. Онда халықаралық жиынға қатысушылар­ды Батыс Қазақстан облысы әкімінің бірінші орын­ба­са­ры Нұрлан Ноғаев құттықтап өңірде мемлекеттік тіл мәселе­лері­не қатысты іс-шара­лар жүйелі жүр­гізіліп келе жатқанын айтты. Халықаралық конферен­ция­ның жұмыс тәртібіне сай пленар­лық және секциялық мәжілістерде мемлекеттік тіл проблемаларына қа­тысты бірнеше баяндамалар тың­далды. Осындай басты баян­даманың бірін Тіл комитетінің төрағасы Бауыржан Омаров жасады. Жасыратыны жоқ, осы тектес ғылыми практикалық кон­ференцияларда жасалған баянда­ма­лар тыңдала бермейді. Өйткені, олардың көпшілігі бір-біріне ұқсас, тартымсыз әрі сүреңсіз болып келеді. Бұл жолы олай бол­ған жоқ. Комитет төрағасының нақ­ты мысалдар мен тұжырым­дарға толы баяндамасы конфе­ренцияға қатысушылар тарапынан толық қолдау тапты. Бұдан әрі конференцияға қатысушылар мемлекеттік тіл саясатының басым бағыттары, елдегі тілдік жағдай, проблемалық аспектілер мен оның шешу жолдары, ұлттық ономастика мен терминология, қазақ жазуы мен ұлттық әліпби және тіл әдісте­ме­сінің өзекті мәселелері жөнінде ой тарқатты. Халықаралық конференция­ның жұмыс қо­рытындыларына орай тиісті қарар қабылданды. Темір ҚҰСАЙЫН. Батыс Қазақстан облысы. ---------------------------------- Суреттерде: конференциядан көрі­ніс. Суретттерді түсірген Рафхат Халелов.