20 Қазан, 2010

Альянс Банкі: Тұтынушыларға несие беру жолдары жетілдірілуде

394 рет көрсетілді
Көпшілікке белгілі, Альянс Банкі өз қара­­жаты есебінен несиелеу бағдарламасын іске қосқаннан бергі уақытта қаржы инс­титутының клиенттері айтарлықтай көбейді. Әрине, мұның өзі клиенттермен арадағы жұ­мыс­тың қолайлы әрі тиімді ұйымдас­тырыл­ғандығының нақты нәтижесі екендігі ақи­қат. Сөз реті келгенде атап айтарлығы, қа­зір­­дің өзінде жалпы сомасы 9,9 миллиард теңгеге он жеті мыңнан астам несие берілді . Сон­дай-ақ, бұл бағытта өзге де іргелі де ауқымды жобалар жүзеге асырылуда. Міне, осындай кеңінен ойластырылған, мазмұны терең несиелеу бағдарламасы Альянс Банк­інің 2013 жылға дейінгі даму страте­гиясына толықтай сай келуі де көп нәрседен хабар берсе керек. Еліміздегі қаржы институттарының арасында өнімдері айтарлықтай басым­дықтарға ие Альянс Банкі өз клиенттерінің дамуына қолайлы әрі тиімді жағдайлар жасап, оны одан әрі жетілдіре түсуде. Мәселен, Альянс Банкінің несиелеу нары­ғын­дағы көпшілік назарын аударарлық бағдарламалардың арасында “Альянскредит Экспресс” және “Альянскредит Тұтыну­шылық” несиелерін атап айтуға болады. Негізінен жеке тұлға­ларды несиелендіруге арналған бұл бағдар­ламалардың да өзіндік ерекшеліктермен қатар артықшылықтары да бар. Ең бастысы, қаржы институтының өзге бағдарлама­ларын­дағы сияқты мұнда да тұтынушылар үшін несиелеудің тиімді шарттары ұсыны­лады. Анығырақ айтқанда, “Экспресс кредит” өнімінің қаржыландыру мерзімі – 6 айдан 36 айға дейін созылады. Бір құптар­лығы, бұл қаржы тұтынушылық мақсаттарға жылдық 26 пайыз мөлшер­лемесімен беріле­ді, жылдық тиімді мөлшер­лемесі (ЖТМ) 37,7 пайыздан. “Альянскредит Экспресс” өнімі зейнет­ақы жинақтау қоры салымшыларына, бюджеттік ұйымдар өкілдеріне, сондай-ақ банктің жалақы жобасының қатысушы­ларына несие жылдық 20 пайызбен, (ЖТМ - 26,5 пайыз) ұсынылады. Клиенттерге берілетін займның ең төменгі сомасы – 50000 теңге, ал ең жоғарғы деңгейі – 1 500 000 теңгеге дейін көтеріліп отыр. Тағы бір атап айтарлық жәйт “Альянскредит Экспрессті” алушыларға қойылатын талап­тар, яғни шарттар да бар. Бұл орайда несие алушыларға қойыла­тын ең алғашқы талап – клиент Қазақстан Республикасының азаматы болуы тиіс. Сонымен қатар, мұндай қарыз 21 жасқа толған азаматтар мен азаматшаларға ғана беріледі. Ескерте кететін бір мәселе – несие­ні толықтай төлеген уақытқа дейін займшының жасы, әйелдер үшін – 58-ге, ерлер үшін – 63-ке дейін, яғни зейнеткерлік жастан аспағаны жөн. Анығырақ айтқанда, зейнеткерлерге банк бұл бағыттағы өз қыз­метін ұсына алмайды. Альянс Банкінен тұтынушылық мақсат­тарға жұмсауға негізделген несие алу үшін қажетті құжаттар соншалықты көп те емес. Ең алдымен, займды алуға арналған өтініш – анкета толтыру қажет. Сондай-ақ, займ­шының жеке куәлігі (тұпнұсқасы) салық төлеу­шінің куәлігі (СТН), азаматтардың тір­кеу кітабы немесе (несие менеджері куәлан­дырған) несие алушының тұратын жерін нақтылайтын анықтама болуы тиіс. Соны­мен қатар, займшының соңғы алты айдағы тапқан табысы, яғни кірісі немесе жалақысы туралы мәлімет беретін өзге де құжаттар, зейнетақы қорындағы займшы­ның жеке зейнеткерлік қорынан көшірме (соңғы алты айдағы), займшының әлеумет­тік жеке коды (ӘЖК) керек. “Альянскредит Экспресс” өнімін иелену үшін қажетті ерекше шарттардың бірі займшының еңбек мерзіміне де қатысты, яғни клиенттің жалпы еңбек өтілі бір жылдан кем болмауы шарт. Сонымен қоса, оның соңғы жұмыс орнындағы еңбек ету мерзімі – алты айдан кем түспегені жөн. Ал “Альянскредит Тұтынушылық” несие­­сінің “Экспресстен” басты айырмашы­лығы берілетін сомасында әрі кепілдікке жыл­жы­майтын мүлік қойылуы қажет екенін ескер­ген жөн. Шұғыл мұқтаждықтарға бері­летін несие 100 000 теңгеден 7 500 000 тең­геге де­йін­гі сомада 12 айдан 84 айға дейін­гі мер­зімге беріледі. Оның үстемақы мөлшер­лемесі кірістер расталған жағдайда жылдық 18%-бен, ал ЖТМО-ның үзінді­сімен кіріс­терді жарым-жартылай растағанда 22%-бен қол­жетімді (ЖТМ – 20,42 пайыздан кем емес). Несие кәсіпкерлік қызметпен байланыс­ты болмайтын, кез келген тұтынушылық мақсаттар үшін беріледі. Несие мөлшері қамсыздандырудың (жер телімдерінен басқа жылжымайтын мүлік) бағасына тәуелді: кіріс расталған жағдайда кепілдіктің нарық құнынан 70%-на дейін; ЖТМО-ның үзін­дісімен кірістерді жарым-жартылай раста­ғанда – 50 пайызына дейін. Сала мамандары “Альянс Банкінің клиент­­тері ірі көлемдегі сомаларды ұзақ мер­­зімге тарта алатындығын және оларға несиелер бойынша ең бәсекелес үстемақы мөлшерлемелері ұсынылып отырғандығын” атап айтуда. Шын мәнісінде де, өз клиент­теріне көрсетілетін қызметтің сапасын және мазмұнын арттырып, оның түрлерін кө­бейту­мен бірге, банк ұжымы бұл бағытта іскер­лік пен кәсіби біліктілікті одан әрі жетілдіруде. Бақыт БАЛҒАРИНА, Алматы.
Соңғы жаңалықтар

Қилы-қилы тағдырлар

Тарих • Бүгін, 19:30

Тозақтан өтсе де түңілмеген

Руханият • Бүгін, 18:00

Радист қазақ қыздары

Тарих • Бүгін, 17:10

Қарсы барлаушылар қаһармандығы

Руханият • Бүгін, 15:50

Ескерусіз кеткен есіл ер

Таным • Бүгін, 12:50

Майдангердің өнегелі жолы

Руханият • Бүгін, 10:55

Ржев шайқасының қаһарманы

Тарих • Бүгін, 10:30

Тұрлауы қиын тағдырлар

Тарих • Бүгін, 09:30

Ардагерлер азайып бара жатыр...

Қазақстан • 07 Мамыр, 2021

Ұқсас жаңалықтар